Aposel 18:15 - Aria New Testament

¹⁵ E eknikane lumu sinngen elio la ke lumu pelengon e supmu e ke lumu pelengon dagar vala. E eknikane ma ngaklingen lumu pelengon kovok. Aurou. Ma umu vala umawade ine.”

Aposel 18:15 ပူးပေါင်းရင်းမြစ်များ

Matyu 27:24

Alo ka Pailat ile tiklingen ila pelengon kovok e isuk boto evlei omba polou iye due aki e ris limla ke amtarsak e wai ke isak langane. “Gute ane ina metengen batne dong ke ngong kovok. Ane lumu wan vala.”

Matyu 27:4

E iye wai langane. “Ngadue elio epmes ina alo ka ngalai Yesus ina ka iye due elio soulu gesa kovok ma iye mete ine.” Deka tikoli tiwai langane. “Are wan gesa kovok ke imi e lem wan vala.”

Jon 18:31

Deka Pailat wai ke isak langane. “Umodue e umedidi lumu pelengon dagar e umawade iye ine.” E tikoli tiwai langane. “Aurou. Umu osep Rom ina umosongon imi ma imemter gute ma iye mete kovok.”

Aposel 18:13

E tisin elio vri ke iye langane. “Gute ane ila pelengon mter osep pula aitno lisak ma tipli limem pelengon dagar. Iye waiki osep tididi pelengon dagar silang ma tilotuim Ida Tapolngon.”

Aposel 23:29

E ngapmi isak ke urok sinngen elio ma ngaile omur ine. E tikoli tiwai iye dar urok pelengon dagar. E ngaile omur iye dar pelengon dagar gesa ka vri ke iye langka itodue la dong ke kalabus koke itomluk iye ma iye mete ine kovok.

Aposel 25:11

Langka lou elio gesa vri ke ngong ma ngamete ine deka ma ngamete e ngawaiki ngapren ine kovok. E sinngen elio gesa vri ke ngong kovok e gute gesa dong ka karanga due ngong ma ngala ke isak kovok. Eknikane ngawai ke wom langane. Ngawaiki ngala ke armok Rom ma ngapolou ke gute Sisar bitna ma iye tona wade lou elio.”

Aposel 25:19

Aurou. Tiwai alo ka Pol lotuim Inarak Tapolngon iye didi inarak apu itau kovok. Silang blang aitno lisak soulu ke Pol kesua iye wai dagar ke gute Yesus ka oglou mete. Iye wai Yesus poga tito ke ina denga. E osep Yuda ina tiwai iye dau mete e poga tito kovok.

Aposel 26:3

Aitno lungong itau ngavri ke emtem ma emklingen lou pelengon kesua emile omur ke imi osep Yuda ina limem elio bitna bitna ka imedidi isak. E silang blang emile imi osep Yuda ina aitno limi para pulu ke limem pelengon. Deka eknikane ngapmi wom ma emklingen lou pelengon ane.”

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

2 Timoti 2:23

Langka osep orsak mluk pulu ke pelengon ka adai vala deka omdong mawa ke isak. Kesua emile pelengon ka langane due osep aitno lisak nevlik deka tiwai engil pulu.

Taitus 3:9

E ompul dogur ke elio ka umotuk opmu pulu. E ke basikngen bitna bitna ka la ke osep urok seia angainsak. E ke elio ka umotuk opmu pulu ke Moses ila sogongon lana ine. Kesua pelengon langane manga manga e pelengon adai vala e karanga lua ite ma itedidi elio itau kovok.