Aposel 18:12 - Aria New Testament

¹² Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Aposel 18:12 ပူးပေါင်းရင်းမြစ်များ

Matyu 27:19

E silang alo ka Pailat dau dong ke kova ka iye wade osep ine ila asap vai omon ke iye ka langane. “Omdue wan gesa ke gute ka itau e osuk are kovok kesua ngamunu kudung anngong e aitno lungong kro lokono batne ke iye.”

Jon 19:13

Alo ka Pailat klingen urok pelengon iye paur Yesus ke dogur e dong ke ila bota ka iye wade osep ine. Bota tonari dong ke omur ka tisire plua ka opmu ina. E ke pelengon Hibru tisire Gabata.

Aposel 13:12

Alo ka Sergius Paulus ka vri mgo ke omur are vati elio ane aitno la dagar ke Ida Puda. Deka aitno mter pula ke ila pelengon.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 13:7

Iye gute Sergius Paulus ka vri mgo ke omur are ila aten gesa. Sergius Paulus iye gute ka ila ilengen omba e iye gi Barnabas e Sol ma time ke iye kesua iye waiki klingen Ida Tapolngon ila pelengon.

Aposel 13:8

E gute borou timla tonari waiki dangdang urok pelengon lama Sergius Paulus aitno la dagar ine. Ke pelengon Grik gute borou timla angaine Elimas.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 17:5

E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.

Aposel 18:11

Pol klingen ila pelengon yagos e iye dong ke armok ari tobor kene emkil e napapra Ida Tapolngon ila pelengon ke osep matamur.

Aposel 18:27

Mase Apolos waiki la ke provins Akaia deka osep Kristen tikar iye pelengon ka due aitno dong dagar. E tisogo pas gesa ka la ke Yesus ila disaipel ka isak osep Grik ina ka wai langane. “Osep umoklingen. Aitno lumu itau ke Apolos.” Deka ari Apolos songon Efesus e la polou ke provins Akaia. E ke omur ari Apolos duni pulu kap osep ka oglou Ida Tapolngon makai isak e aitno lisak la dagar ke Yesus e iye lua isak itau.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 25:10

­E Pol koli wai langane. “Gute namor. Eknikane wom ka Sisar ila gute bokongon ina omdong ke lem kova ka amwade osep urok elio ine e ngavri ke emtem. Emklingen lou pelengon kodong e emile omur ngadue elio soulu gesa ke osep Yuda ina kovok.

Pas ka Pol sogoe uti la ke osep Rom ina 15:26

Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine.

Pas ka Pol sogoe uti la ke osep Rom ina 16:5

E umawai “oklou itau” ke osep ka tiduni pulu ke urok ninu. Umawai “oklou itau” ke gute Epainetus. Ngong lana ngong ke iye lokono. Aitno dagar ke Krais mgo ke osep ka tidong ke omur Esia.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 11:10

Nga-didi Krais ila elio ka iye wai lokono vala deka langane. Ngawai ke osep pula ke elio ka ngapang mani ke umu kovok e gute gesa ke provins Akaia karanga dangdang lou pelengon kovok.

2 Korin 11:26

Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

2 Korin 9:2

Ngaile umawaiki umolua osep e ngakakai angainmu ine. Ngawai ke osep Masedonia ina ine langane. Ke tobor kene la kodong osep Akaia ina tidong redi ma tilua osep. E lumu elio sruk osep Masedonia ina aitno lisak ma tiwaiki tikana lumu elio.

1 Tesalonaika 2:14

Sipmi. Agegeng polou ke umu eriar langka polou ke Ida Tapolngon ila osep ka tineklep ke Yesus Krais ka tidong ke omur Judia. Lumu osua tidue agegeng ke umu langka osep Yuda ina tidue ke Ida Tapolngon ila osep ka tidong ke omur Judia.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.

Jems 2:6

E umodue markan ke osep ka urok wan isuk boto vala e umodue anit ke osep ka urok mani pula. E osep ka urok mani pula tidue elio ka opru umu e tipaur umu ke kot bitna.