Aposel 18:10 - Aria New Testament

¹⁰ Kesua ngadong kap wom e gute kene gesa dong ka karanga paiavu wom kovok. Aurou. Osep pula ka tidong ke armok ane isak ngau osep.”

Aposel 18:10 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 10:30

E silang Ida Tapolngon ile opomu elilo sesue tidong ke bara lumu.

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Luk 21:18

E dau ma tikaranga tidue pogle ke opomu elilo kene vala kovok.

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Aposel 15:14

Saimon wai ke ite ine kodong. Iye wai ke elio ka Ida Tapolngon aitno kro mgongen ke osep ka isak osep Yuda ina kovok deka iye rere isak leklou ma isak ila osep.

Aposel 15:18

Ida Puda wai pelengon tonari kodong e due osep tile ine oglou lila me kodong.’”

Aposel 18:11

Pol klingen ila pelengon yagos e iye dong ke armok ari tobor kene emkil e napapra Ida Tapolngon ila pelengon ke osep matamur.

Aposel 18:9

Ari epmes gesa Pol vati ano e Ida Puda palongo ila langane. “Wom omulou tarna lugom ke osep sakam. Omdong amwai lem pelengon vala e omdong adai sakam. Omboko vala.

Pas ka Pol sogoe uti la ke osep Rom ina 8:31

Ida Tapolngon lua ite itau lokono kodong deka aitno kene ke ite. E aitno lumu lange ine? Sei dong ka karanga paiavu ite ma mole ite? Kesua Ida Tapolngon aitno kene ke ite kodong. Aurou lokono.

2 Korin 12:9

Ngapmi Ida Puda ine e iye wai ke ngong langane. “Wan soulu dong e lou makaingan karanga ke wom ma omdong itau. Kesua lou arit polou dagar ke osep ka tile omur urok arit dong ke isak kovok.” Ida Puda wai langane deka aitno lungong neser ine. Ngawaiki ngawai ke elio ka lou arit dong kovok ma Krais ila arit dong ke ngong.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

2 Timoti 4:22

Ngawaiki ma Ida Puda dong kap anwom e ngawaiki ila makai-ngan dong kap wom.