Aposel 17:4 - Aria New Testament

⁴ Osep Yuda ina leklou aitno lisak la dagar ke Pol ila pelengon e tineklep ke Pol orwo Sailas. E osep Grik ina ka tidue anit ke Ida Tapolngon tineklep ke isak blang. E apmang leklou ka angainsak omba tineklep ke isak blang.

Aposel 17:4 ပူးပေါင်းရင်းမြစ်များ

Jon 7:35

Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:1

Pol orwo Barnabas tidong ke Aikoniam e tisep ke osep Yuda ina urok duningen ina ninu e tiwai pula kap osep ka tidong ine. Deka urok pelengon mter osep tonari aitno lisak. E osep Yuda ina pula e osep pula ka tiwai pelengon Grik aitno lisak la dagar ke urok pelengon.

Aposel 14:4

E osep pula ka tidong ke armok aitno lisak orwo ke isak. Osep leklou aitno lisak kene ke osep aposel e osep leklou aitno lisak kene ke osep Yuda ina.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 15:27

Deka imapagei Judas orwo Sailas ke umu ma tiwai ke umu ke pelengon ka dong ke pas ane.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 15:40

E Pol rere Sailas ma isak orwo kla. Deka sisrok ari tiwai ke isak langane. “Ida Puda ila makaingan dong kap umu.” Deka tisongon armok e kla.

Aposel 16:3

Alo ari Pol waiki Timoti neklep ke iye orwo Sailas ma isak kla ke urok langan deka iye wai ke Timoti langane. “Ma ngadue elio ulangngan ina ke wom kesua osep Yuda ina ka tidong ke omur ane tile omur ngap abo iye gute Grik ina.”

Aposel 17:10

Epmes polou deka lokono osep ka Pol orwo Sailas sisrok tipagei isak kla ke armok Beria. Tipolou ine kodong deka isak kla ke osep Yuda ina urok duningen ina ninu e tisepe.

Aposel 17:12

Ari osep Yuda ina pula aitno lisak la dagar ke Yesus e osep Grik ina ka apmang e arang ka angainsak omba aitno lisak la dagar ke iye blang.

Aposel 17:14

Deka lokono osep Kristen tipagei Pol duru ke misuon. E Sailas orwo Timoti isak dau tidong ke Beria.

Aposel 17:17

E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 17:34

Ari osep leklou tineklep ke Pol e aitno lisak la dagar ke Yesus. Gute kene ka aitno la dagar ke Yesus angaine Dionisius. Iye gute Areopagus ina. E apmang kene ka angaine Damaris aitno la dagar ke Yesus. E osep leklou aitno lisak la dagar ke Yesus blang.

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.

Aposel 19:10

Pol due elio langane ke ninu tonari iding ke tobor orwo. E alo ari osep Yuda ina ka pula keniye e osep Grik ina ka pula keniye ka tidong ke provins Esia tiklingen Ida Puda ila pelengon.

Aposel 2:44

Deka osep keniye ka aitno lisak dagar ke Yesus tiduni pulu oklou aling aling e tilua pulu ke urok wan bitna bitna.

Aposel 21:28

E tidaiku dagar lokono langane. “Osep Israel ina umolua imi. Gute ane parere osep ka pula keniye ka tidong ke omur omur ke ite. Iye wai soulu ke ite e ke Moses ila sogongon e ke Ida Tapolngon ila ninu ane. Silang blang iye paur osep Grik ina tisep ke Ida Tapolngon ila ninu ane e tidue omur ane ka itau lokono polou soulu.”

Aposel 28:24

E osep leklou ka tiklingen ine aitno lisak la dagar ine. E osep silang tipul dogur ine e aitno lisak la dagar ine kovok.

Aposel 4:23

Alo ka osep tisongon Pita orwo Jon isak kla tipolou ke sisrok e tipalongo urok ke osep loulou ina ka omba e osep ngongle urok pelengon.

2 Korin 8:5

E aitno limi mter tikar mani vala. E aurou. Paide tikar aitno lisak ke Ida Puda e tididi Ida Tapolngon aitno e tikar aitno lisak ke imi blang.