Aposel 17:17 - Aria New Testament

¹⁷ E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 17:17 ပူးပေါင်းရင်းမြစ်များ

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 12:3

Deka wan ka umawai ine ke epmes ma osep tiklingen ine ke oklou e wan ka umenekeskes ke ninu aitno ma osep tivri ke ninu tona e tipalongo ine.”

Aposel 10:2

Gute Kornilius ila elio langane. Iye gosok osep ka tidong ke ila ninu aitno lisak la ke Ida Tapolngon e tidue anit ke iye. Silang iye tuk ila mani leklou e kare ke osep ka urok wan isuk boto vala e tidue batne kovok. E silang blang oklou aling aling iye wai itau ke Ida Tapolngon.

Aposel 13:16

Deka Pol tito vri e kamudu isak deka wai langane. “Umu ka osep Israel ina e umu ka osep Israel ina kovok ka aitno lumu la ke Ida Tapolngon umoklingen lou pelengon.

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 8:2

Ari osep leklou ka urok elio isuk isuk itau tidue Stiven pampamu ine e tiyase e tikngis omba kesua aitno lisak soulu ke Stiven ina metengen.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

2 Timoti 3:2

Ma osep tidue elio langane. Osep ma isak lana isak ke isak kensak kensak vala e aitno lisak mter ke mani vala. Ma tikakai isak tona angainsak e aitno lisak mter timole osep leklou. Ma tiwai soulu ke osep leklou e tipul dogur ke sipmarak e titnarak urok pelengon. Ma tiwai tenkyu ke wan ka osep tikare ke isak kovok e tipul dogur ke Ida Tapolngon ila elio itau.

2 Timoti 3:5

Ma tiwai aitno lisak dagar ke Ida Tapolngon e tiyakyak vala. E urok mosongon ma nis ite Ida Tapolngon ila arit dong ke isak kovok. E Timoti ngawaiki omdong mawa ke osep ka tidue elio langare.