Aposel 16:9 - Aria New Testament

⁹ Isak tidong ke Troas deka ke epmes Pol vati ano e gute gesa vri e gi ke iye langane. “Pol omo omlua imi ka provins Masedonia ina.”

Aposel 16:9 ပူးပေါင်းရင်းမြစ်များ

Aposel 10:3

Oklou kene langka 3 kilok ke kirui iye vati ano. Iye vati ano malak deka Ida Tapolngon ila ensel gesa me ke iye e wai ke iye langane. “Kornilius.”

Aposel 10:30

Deka Kornilius wai langane. “Oglou oklou apanal la yagos ari ngadong ke lou ninu. Ari 3 kilok ke kirui e ngawai itau ke Ida Tapolngon. Deka gute gesa polou ke omtongu ka ila klos bublo omba.

Aposel 16:10

Pol vati ano yagos deka lokono imekere limem wan ma imala ke omur tonari. Kesua aitno limi mter Ida Tapolngon waiki imala ke omur tonari ma imanapapra Yesus ila omon itau ke osep are.

Aposel 16:12

Imopolou ke Neapolis deka imosongon sip. E imasala armok tonari e imala imedidi ekreng e imopolou ke armok Filipai ka osep Rom ina tiplaue. Ari Filipai mgo ke armok keniye ka tidong ke provins Masedonia. E imodong ine oklou leklou.

Aposel 18:5

Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 19:22

Pol aitno mter langane deka iye pagei osep orwo ka Timoti e Erastus ka tilua iye ma isak kla tipolou ke Masedonia mgo. E Pol dau dong ke provins Esia isuk boto.

Aposel 19:29

Tiwai dagar langane deka dau tauni kovok osep pula aitno lisak nevlik e tidaiku omba ine. E osep pula tikis dagar gute Gaius orwo gute Aristarkus ka isak kla kap Pol ke ila langan. Isak osep Masedonia ina. E osep pula tigosok osep ka tikis osep orwo kamsak kene tisuong tipolou ke omur ka osep Efesus ina tiduni pulu ine.

Aposel 20:1

Osep ari tidardar kla yagos deka Pol gi Yesus ila disaipel ma time tiduni pulu kap iye. E iye kar pelengon itau ke isak ka due aitno lisak dagar. Iye wai ke isak yagos deka iye songon isak e la ke provins Masedonia.

Aposel 20:3

E iye dong ine iding ke taiko eklu. Iye dong ke omur tonari e taiko eklu mela yagos mase iye waiki kli sip ka la ke provins Siria. Alo ari iye klingen osep Yuda ina tilalo pelengon ma tidue burwa ke iye. Deka Pol aitno mter ma iye la ke provins Siria kovok. Aurou. Ma iye bauluk ke provins Masedonia vala.

Aposel 27:2

Deka imesep ke sip gesa ka armok Adramitium ina ka waiki la polou ke armok armok ka tidong ke provins Esia ina dingen batne e imosongon omur imala. Alo ari gute Aristarkus ka ila armok batne Tesalonaika ka dong ke provins Masedonia la kap imi.

Aposel 9:38

Ari Yesus ila disaipel tiklingen Pita dong ke armok Lida ka dong olwo boto ke Jopa. Deka tipagei osep orwo ke Pita. Tipolou ke iye deka tiwai dagar langane. “Pita omsuong omo kap imi.”

Pas ka Pol sogoe uti la ke osep Rom ina 15:26

Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine.

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 12:7

Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

2 Korin 7:5

Alo ka imopolou ke provins Masedonia imakaranga imomtong boto kovok. Imopolou e elio soulu bitna bitna tipolou ka opru imi. Osep ka tidong dogur orsak timluk pelengon pulu kap imi e imedigrik e anmi nesik.

2 Korin 8:1

Sipmi. Imawaiki imapalongo lumu ke Ida Tapolngon ila makai-ngan ka polou ke sios kene kene ke provins Masedonia.

2 Korin 9:2

Ngaile umawaiki umolua osep e ngakakai angainmu ine. Ngawai ke osep Masedonia ina ine langane. Ke tobor kene la kodong osep Akaia ina tidong redi ma tilua osep. E lumu elio sruk osep Masedonia ina aitno lisak ma tiwaiki tikana lumu elio.

1 Tesalonaika 4:10

E umodue elio langane kodong ke Ida Tapolngon ila osep ka tidong ke provins Masedonia. E sipmi imawai dagar ke umu ma aling aling umodue elio langane itau lokono.