Aposel 16:25 - Aria New Testament

²⁵ Pol e Sailas tidong ke kala-bus aitno deka epmes airavu polou e tiwai itau ke Ida Tapolngon e tidue sakul ka kakai Ida Tapolngon angaine. E osep leklou ka tidong ke kalabus tiklingen isak blang.

Aposel 16:25 ပူးပေါင်းရင်းမြစ်များ

Luk 22:44

E Yesus aitno kro lokono e iye arit iye ma iye wai itau ke Ida Tapolngon e iye ulep e ina ulepngen gene ke taklak langka marau.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 16:19

E alo ka apmang tonari ina puda tivati elio ane tile omur ma tikaranga tidue mani batne ke apmang tonari blang kovok. Deka tikis Pol e Sailas dagar e tidadai isak tipolou ke osep ka tiplau armok amtarsak ka tidong ke duningen ina omur ke armok.

Aposel 16:33

Ari dau epmes e gute ka plau kalabus grong tarna lisak egle egle. Iye grong isak yagos deka lokono tipaunim iye gosok osep keniye ka tidong ke ila ninu.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 12:12

Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.

Pas ka Pol sogoe uti la ke osep Rom ina 5:3

Aitno lumu lange? Ma elio ka opru polou ke ite e ma aitno lite kro ine? Aurou. Ma aitno lite kro ine kovok. Ma itakakai Ida Tapolngon angaine tito ine vala. Ma itakakai angaine tito ine kesua iteile elio ka opru ite ma due aitno lite tipolou dagar lokono.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

Efesus 5:19

Alo ka umu ka Yesus ila osep umoduni pulu umodue sakul ka didi Ida Tapolngon ila pelengon ka dong ke Buk Song. Umodue sakul ka kakai Ida Tapolngon angaine tito la egim. Umodue sakul ka la ke Ida Tapolngon ka due aitno lumu dagar ine. Umodue sakul ke aitno lumu e umakakai Ida Puda angaine tito la egim ine.

Filipai 2:17

Aitno lumu ila dagar iye langka elio opmu ina ka umodue ke Ida Tapolngon. E langka osep timluk ngong ngamete e ngau marau baser langka oglou osep tibaser aki wain ke wan ka tidue elio opmu ina ine are wan gesa kovok. Ma aitno lungong neser e ngawaiki aitno lumu neser ine blang.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.

Jems 1:2

Lou saten ngawai ke umu langane. Alo ka tokngon bitna bitna polou ke umu aitno lumu neser ine.

Jems 5:13

Langka elio polou ka opru gute gesa ma iye wai itau ke Ida Tapolngon ma lua iye ine. Langka gute gesa aitno neser ma iye due sakul ka kakai Ida Tapolngon angaine tito la egim.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.