Aposel 16:23 - Aria New Testament

²³ E osep timluk Pol e Sailas pula. Timluk isak yagos deka tipaur isak kla tisep ke kalabus e tidong ine. E osep ka tiplau armok tiwai dagar ke gute ka plau kalabus langane. “Amplau osep orwo ane itau lokono.”

Aposel 16:23 ပူးပေါင်းရင်းမြစ်များ

Matyu 26:48

E gute ka ma lai Yesus ina wai ke isak mgo langane. “Gute ka ma ngangen banga iye gute ka umawaiki umodue. Ma ngangen banga deka umodue.”

Luk 21:12

E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong.

Aposel 12:18

Kotkotu lokono polou e osep ola ina ka tiplau Pita tivati Pita kovok deka ansak nesik ine e tipmi pulu langane. “Pita dong ge?”

Aposel 12:4

Osep ola ina tonari tidue Pita la ke kalabus kodong deka osep ola ina leklou blang tiplau iye. Osep ka tiplau Pita inarak sasa songotno lumakene. Osep apanal apanal tiplau iye aling kene e tilua pulu ke ina plaungan. Tiplau iye itau kesua Herot waiki alo ka osep Yuda ina inarak apu tonari yagos ma Pita polou ke osep pula amtarsak e ma osep ola ina timke iye ma iye mete.

Aposel 16:27

Deka gute ka plau kalabus tipa e vati kalabus ina ekreng bitna keniye tinoklok kodong. E iye pi ila elil omba e waiki mter iye tona ine kesua aitno mter osep kalabus ina keniye tiulou kla kodong.

Aposel 16:36

Deka iye wai ke Pol langane. “Osep ka tiplau armok ane tiwai ke ngong ma ngasongon wom e Sailas deka ngasongon umorwo umala e umodong itau.”

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

Aposel 5:23

“Imopolou ke kalabus e ina ekreng bitna keniye tidong dagar lokono e osep ola ina ka tiplau kalabus ina ekreng bitna tivri ine e tiplaue. Deka imoklok kalabus ina ekreng bitna e imesepe deka imekrim ke osep aposel e imavati isak kovok.”

Aposel 8:3

E Sol aitno amnga iye lokono ke osep ka aitno lisak dagar ke Yesus e iye waiki due agegeng ke isak keniye. E iye la ke urok ninu kene kene deka kis osep arang e apmang dagar e due isak kla tisep ke kalabus deka tidong ine.

Aposel 9:2

E iye wai langane. “Omsogo pas leklou ma ngakalke isak ngala ke osep Yuda ina urok duningen ina ninu ninu ka tidong ke armok Damaskus.” Deka gute loulou ina tonari sogo ila pas leklou ka wai langane. “Langka gute Sol pado osep arang e apmang ka tididi elio oku ina ma iye pou isak e paur isak time ke Jerusalem.” Iye sogo langane deka kar pas ke Sol.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 6:5

E silang blang imodong dagar lokono alo ka osep timluk imi e alo ka tidue imi imesep ke kalabus. Osep leklou aitno lisak soulu ke imi e tisruk osep aitno lisak ma tiwaiki tipaiavu imi. E imoboko engil lokono e imakaranga imomunu kudung itau kovok e sapanga due imi.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

Filemon 1:9

E dau ma ngadue langane kovok. Ngapmi wom ine vala kesua ngong lana ngong ke wom. Ngong Pol ngong gute namor e ngong Krais Yesus ila gute meriang ina e ke batne ane osep tidue ngong ngasep ke kalabus.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”