Aposel 16:18 - Aria New Testament

¹⁸ Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Aposel 16:18 ပူးပေါင်းရင်းမြစ်များ

Matyu 14:24

E alo are ila disaipel tidong mawa ke aki ina dingen batne ke bot e boitini mluke e engen ipue ma tikaranga kla itau kovok.

Mak 1:34

Deka ari Yesus lua osep pula ke inarak paiangan bitna bitna. Iye sik angelo soulu ka tidong ke osep deka isak kla. Angelo soulu tonari tile omur iye gute sei deka iye dangdang isak ma tiwai kovok.

Mak 16:17

E osep ka aitno lisak me dagar ke ngong ma tidue elio arit ina ka nisngen ke osep amtarsak langane. Ma tisapir angelo soulu ka tidong ke osep batne ke ngong. E ma tiwai ke tokples oku ina ka oglou tile ine kovok batne ke ngong.

Luk 9:1

Yesus gi ila disaipel songotno orwo ma tiduni pulu e iye kar arit ke isak ma tikaranga tisapir angelo soulu e tidue osep ka tipaia tipolou itau blang.

Aposel 3:6

Deka Pita wai langane. “Oka. Lou mani dong ke ngong kovok e wan ka dong ke ngong ma ngalua wom ine. Eknikane Yesus Krais ka Nasaret ina ila arit due wom ma emtito emlila.”

Aposel 9:34

Deka Pita wai ke iye langane. “Ainas Yesus Krais lua wom e due kevep tipolou itau blang e oku ane emtito emkere lem kova.” Iye wai langane deka lokono Ainias tito vri.

Kolosi 2:15

Iye due wan ka ano e angelo soulu ka tiplau omur omur urok arit yagos. Ke Krais ina akai Ida Tapolngon nis osep ka pula keniye iye mole wan tonari e due isak tipolou langka isak wan adai vala.