Aposel 16:15 - Aria New Testament

¹⁵ Deka imapaunim iye gosok osep leklou ka tidong ke ila ninu. Imapaunim isak yagos deka Lidia wai ke imi langane. “Langka aitno lumu mter aitno lungong dagar lokono ke Yesus deka umomo umodong kap ngong ke lou ninu.” Iye wai dagar ke imi langane deka imala imodong kap iye.

Aposel 16:15 ပူးပေါင်းရင်းမြစ်များ

Matyu 10:41

Langka gute gesa due gute napaprangan ina sep ke ila ninu kesua iye gute napaprangan ina vala ma iye due wan itau lokono ka gute napaprangan ina ma due. E langka gute gesa due gute itau sep ke ila ninu kesua iye gute itau vala ma iye due wan itau lokono ka gute itau ma due.

Matyu 3:6

E tiwai malak ke urok elio epmes ina deka iye paunim isak ke aki Jordan.

Luk 14:23

Deka gute wai blang langane. ‘Amla ke ekreng omba e ekreng daudeng ke omur ka lelei armok e amwai dagar ke osep time ma ninu bon ke osep.

Luk 24:29

E tiwai dagar ke iye langane. “Omdong kap imi kesua kirui kodong e isuk boto epmes polou.” E Yesus la dong kap isak.

Aposel 11:14

Ma iye kar pelengon ke wom ka lua wom ke lem elio epmes ina e lua osep keniye ka tidong ke lem ninu blang.”’

Aposel 16:31

Deka tikoli tiwai ke iye langane. “Langka aitno lugom la dagar ke Ida Puda Yesus ma iye lua wom ke lem elio epmes ina. Deka ma iye lua osep ka tidong kap wom ke lem ninu langane blang.”

Aposel 16:33

Ari dau epmes e gute ka plau kalabus grong tarna lisak egle egle. Iye grong isak yagos deka lokono tipaunim iye gosok osep keniye ka tidong ke ila ninu.

Aposel 16:34

E iye paur isak ke ila ninu e tisepe deka iye kere isak ke inarak ngangon. E iye gosok osep keniye ka tidong ke ila ninu aitno lisak neser kesua aitno lisak la dagar ke Ida Tapolngon.

Aposel 18:8

Ari gute Krispus ka duningen ina ninu ina plaungan gosok osep keniye ka tidong ke ila ninu aitno lisak la dagar ke Ida Puda. E silang osep pula ka tidong ke Korin tiklingen Pol ila pelengon deka aitno lisak la dagar ke Yesus e osep tipaunim isak.

Aposel 8:12

Mase Filip napapra pelengon itau ka la ke omur ka Ida Tapolngon ma plaue e Yesus Krais ila omon itau blang ke isak. Deka ari osep arang e apmang pula aitno lisak la dagar ine deka tidue elio paunimngen ina.

Aposel 8:38

Iye wai langane deka due karis tonari la kovok deka Filip orwo gute plaungan ina tiduru tisep ke aki e Filip paunim iye.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

2 Korin 12:11

Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filemon 1:17

Ate Filemon. Itorwo itodue Ida Puda ila bokongon deka ma omdue Onesimus e aitno lugom itau ke iye langka aitno lugom itau ke ngong.

Hibru 13:2

E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

2 Jon 1:10

Langka gute gesa me ke umu e parere umu eriar langka ngaparere umu kovok deka umodue sep ke lumu ninu kovok. E umawai “oklou itau” ke iye kovok.

3 Jon 1:5

Lou aten. Ngong lana ngong ke wom e ngawai ke wom langane. Omdong dagar e omdue lem bokongon itau alo ka omlua Ida Tapolngon ila osep leklou lama emile isak koke emile isak kovok.

3 Jon 1:8

Deka ite ma itolua osep ka tiboko langane. Kesua alo ka itolua isak are langka itoboko pulu kap isak ke urok bokongon ka tinapapra Ida Tapolngon ila pelengon lo-kono.