Aposel 16:14 - Aria New Testament

¹⁴ Ari apmang kene dong ka klingen limem pelengon ka angaine Lidia ka ila armok batne Taiataira e iye boko e due burong ke molo ka edimor vala. Ari oklou aling aling iye lotuim Ida Tapolngon. Alo ari iye klingen Pol ila pelengon deka Ida Puda lua iye ke pelengon tonari e aitno la dagar ine.

Aposel 16:14 ပူးပေါင်းရင်းမြစ်များ

Luk 24:45

E iye lua isak ma tikaranga tile omur ke Ida Tapolngon ila pelengon lana ine.

Jon 12:20

E osep Grik ina leklou time ke Jerusalem kap osep leklou ma tilotuim Ida Tapolngon ke rogo omba.

Aposel 10:2

Gute Kornilius ila elio langane. Iye gosok osep ka tidong ke ila ninu aitno lisak la ke Ida Tapolngon e tidue anit ke iye. Silang iye tuk ila mani leklou e kare ke osep ka urok wan isuk boto vala e tidue batne kovok. E silang blang oklou aling aling iye wai itau ke Ida Tapolngon.

Aposel 11:21

Ari Ida Tapolngon ila arit lua osep ka tinapapra Yesus ila omon itau deka osep pula tiklingen ine e aitno lisak la dagar ke Ida Puda.

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 16:40

Pol e Sailas tisongon kalabus kodong e isak kla tipolou ke apmang Lidia ila ninu. E tigosok osep Kristen tiduni pulu ine e tiwai pelengon ke isak ka due aitno lisak dagar deka tisongon armok e isak kla.

Aposel 18:7

Deka Pol songon duningen ina ninu tonari e la polou ke gute gesa ka lotuim Ida Tapolngon ka angaine Titius Jastus. Ila ninu dong olwo boto ke duningen ina ninu tonari.

Aposel 8:27

Filip klingen ensel tonari ila pelengon kodong deka iye songon omur Samaria e didi ekreng tonari. Iye dau didi ekreng e mase soson gute gesa ka omur Itiopia ina. Oglou osep tisok gute tonari lesna ine. Iye apmang ka vri mgo ke omur Itiopia ka osep tisir iye Kandasi ila wan bitna bitna ina plaungan e angaine omba. E iye tito la ke Jerusalem kesua iye waiki lotuim Ida Tapolngon.

Pas ka Pol sogoe uti la ke osep Rom ina 9:16

E langane. Itosep udo elio gesa dong ka mter Ida Tapolngon aitno ma aitno due ite kovok. Aurou. Iye didi aitno e aitno due osep ka iye waiki aitno due isak.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Pelengon kukwopngon 1:11

Gute tonari wai langane. “Wan ka pula keniye ka amvati omsogoe ke pas e ampagei la ke sios lumorwo. Ampagei la ke sios ka dong ke armok Efesus e ke armok Smerna e ke armok Pergamum e ke armok Taiataira e ke armok Sardis e ke armok Filadelfia e ke armok Laodisia.”

Pelengon kukwopngon 3:20

“Umoklingen. Ngavri ke ekreng bitna e lungu nopolpol ine. Langka gute klingen kre lungong e klok ekreng bitna ma ngasep ke ninu e ma ngadong kap iye. Deka ma ngangen kap iye e iye ma ngen kap ngong.”

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.