Aposel 15:8 - Aria New Testament

⁸ Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

Aposel 15:8 ပူးပေါင်းရင်းမြစ်များ

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 5:37

E Livou ka pagei ngong ngame iye tona palongo osep ke ngong blang. E umoklingen kreine kovok e umavati iye kovok.

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 10:47

“Eknikane Ida Tapolngon Ano Itau dong ke osep ane aitno lisak eriar langka iye dong ke aitno lite. Aitno lumu lange? Ma tididi elio paunimngen ina koke aurou? Ma tididie kesua itakaranga itadangdang isak ine kovok.”

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 15:28

Kesua imi osep e Ano Itau aitno limi kene pulu langane. Ma imakar pelengon ke umu ka opru umu kovok. Aurou. Imakar pelengon ke umu ka lua umu vala.

Aposel 2:4

Deka Ano Itau duru sep ke isak kensak kensak e due aitno lisak e tiwai pelengon bitna bitna ka oglou tile ine kovok.

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”