Aposel 15:7 - Aria New Testament

⁷ Ari timter pelengon pula pulu ine deka Pita vri ke amtarsak e wai ke isak langane. “Sipmi. Umeile omur oglou Ida Tapolngon rere ngong ke ite ma nganapapra ila omon itau mgo ke osep ka isak osep Yuda ina kovok. Kesua iye waiki osep tonari tiklingen ine ma aitno lisak la dagar ine.

Aposel 15:7 ပူးပေါင်းရင်းမြစ်များ

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Aposel 1:16

Deka Pita wai ke isak langane. “Sipmi. Umoklingen lou pelengon ane. Oglou Ano Itau due Devit aitno deka iye sogo ke Judas ila elio ma iye due ke Yesus. Mase Yesus dong deka Judas la mgo ke osep e iye lai Yesus ina eriar langka oglou Devit sogo ine.

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 10:19

Alo ka tipmi ke iye Pita dau dong ke ninu tona e aitno mter pula ke ano lana ine. Deka Ano Itau wai ke iye langane. “Pita emklingen. Osep eklu time tikrim wom.

Aposel 10:20

Emtito omduru amla ke osep eklu tonari amtarsak. Deka amla kap isak kesua ngapagei isak ke wom. Lokono emdidi lou pelengon e aitno lugom orwo ine sakam.”

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 15:14

Saimon wai ke ite ine kodong. Iye wai ke elio ka Ida Tapolngon aitno kro mgongen ke osep ka isak osep Yuda ina kovok deka iye rere isak leklou ma isak ila osep.

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Aposel 15:39

Aitno lisak engil pulu ine e tikot pulu deka tidardar pulu. E Barnabas due Mak e isak orwo tidue sip e isak kla ke aidunu Saiprus.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 21:16

Ari Yesus ila disaipel leklou ka urok armok batne Sisaria isak kla kap imi e tipaur imi ke gute Nason ila ninu ma imodong kap iye. Gute tonari iye gute Saiprus ina ka tauni kodong iye Yesus ila disaipel.

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.

Aposel 4:25

Oglou Ano Itau due limem eia Devit ka iye lem gute bokongon ina aitno deka iye wai langane. ‘Ina lange osep ka tile wom kovok aitno lisak engil ke wom? Ina lange osep pula pula aitno lisak mter ma tidue elio bitna bitna ulik ulik?

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Filipai 2:14

Ke wan bitna bitna ka umodue ma umongurngur e opmu mluk pulu sakam.