Aposel 15:35 - Aria New Testament

³⁵ Ari Pol orwo Barnabas dau tidong ke Antiok deka tigosok osep pula tiparere osep e tinapapra Ida Puda ila pelengon.

Aposel 15:35 ပူးပေါင်းရင်းမြစ်များ

Aposel 12:25

Ari Barnabas e Sol tidue urok bokongon ke Jerusalem yagos deka tidue Jon ka angaine silang Mak e tibauluk ke Antiok blang.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 13:12

Alo ka Sergius Paulus ka vri mgo ke omur are vati elio ane aitno la dagar ke Ida Puda. Deka aitno mter pula ke ila pelengon.

Aposel 14:28

Deka ari tidong dau tauni kap Yesus ila disaipel ka tidong ke Antiok.

Aposel 28:31

E iye wai ke isak pula ke elio ka Ida Tapolngon ma plau omur ka pula keniye. Silang blang iye parere osep ke Ida Puda Yesus Krais ina basikngen. Alo ari Pol wai ke osep vala e ulou tarna ine kovok. E gute gesa dong ka dangdang iye ine kovok.

Aposel 8:4

Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.