Aposel 15:28 - Aria New Testament

²⁸ Kesua imi osep e Ano Itau aitno limi kene pulu langane. Ma imakar pelengon ke umu ka opru umu kovok. Aurou. Imakar pelengon ke umu ka lua umu vala.

Aposel 15:28 ပူးပေါင်းရင်းမြစ်များ

Matyu 11:30

Kesua lou sigi tonari engil kovok e markan vala.”

Matyu 23:4

Ane langka tigilgil wan ka anit e opru ma osep tikalke e tidue dong ke osep dogursak. E dau tiwaiki tidue wan gesa ka tilua osep ma tikalke wan anit tonari kovok.

Jon 16:13

E alo ka Ano Itau ka wai pelengon lokono me ma iye due aitno lumu ma umakaranga umeile pelengon lokono keniye. Iye karanga due langane kesua iye didi aitno e wai pelengon kovok. Aurou. Iye klingen Livou ila pelengon deka wai ke umu ine e ma palongo lumu ke wan ka mase ma polou.

Aposel 15:19

­Jems wai ke osep blang langane. “Osep leklou ka isak osep Yuda ina kovok aitno lisak la dagar ke Ida Tapolngon kodong. Aitno lungong mter ma itakar isak pelengon ka opru isak kovok.

Aposel 15:25

Deka imawai pele-ngon pulu ine deka aitno limi kene e itau ine. E imerere osep leklou ma tigosok limem saten Pol e Barnabas ka imi lana imi ke isak tiuti tipolou ke umu.

Aposel 15:8

Ari Ida Tapolngon ile osep ka pula keniye aitno lisak e iye kar Ano Itau ke isak eriar langka oglou iye kar iye ke ite. Elio ka iye kar Ano Itau ke isak keniye nis ite aitno itau ke isak.

Aposel 16:4

Deka isak kla ke armok armok e ke armok armok ari tikar pelengon gesa ke osep ka aitno lisak dagar ke Yesus. Pelengon tonari pelengon ka osep aposel e osep ka tiplau Ida Tapolngon ila osep tiwai ine ke Jerusalem kodong. Tiwai ke isak ine ma tididi pelengon tonari.

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

1 Korin 14:37

Langka gute gesa aitno mter langka Ida Tapolngon rere iye gute napaprangan ina koke aitno mter langka iye due kerengen ke Ano Itau ngawaiki iye ile langane. Pelengon ka ngasogoe ke umu ane Ida Puda ila pelengon.

1 Korin 7:25

Ida Puda kar pelengon dagar gesa ke ngong kovok ka la ke umu ka umegi kovok. E ngawaiki ma ngakar aitno lungong ke umu kesua Ida Tapolngon aitno due ngong e ngadidi aitno e nganapapra ila pelengon ka lokono vala.

1 Korin 7:40

E aitno lungong langane. Langka iye gi kovok ane langka iye dong e aitno itau vala. Aitno lungong langane. Ida Tapolngon Ano Itau dong ke ngong deka ngapalongo lumu ke pelengon ane.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

Pelengon kukwopngon 2:24

“Deka eknikane ngawai ke umu leklou ke sios ke Taiataira langane. Umedidi apmang are ila pelengon kovok. E umeile ke parerengen ka tisire Satan ila pelengon ka kukwop kovok. Deka ma ngadue elio silang ka opru umu kovok.