Aposel 15:25 - Aria New Testament

²⁵ Deka imawai pele-ngon pulu ine deka aitno limi kene e itau ine. E imerere osep leklou ma tigosok limem saten Pol e Barnabas ka imi lana imi ke isak tiuti tipolou ke umu.

Aposel 15:25 ပူးပေါင်းရင်းမြစ်များ

Matyu 11:26

E aitno lugom itau e omdue elio ane.”

Luk 1:3

E aitno lungong mter are itau ma ngong blang ngasogo ine kesua ngaboko engil ma ngaile omur ke wan ka polou batne la gurno. E ngasogo pelengon ane ke wom gute namor Tiofilus.

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 15:35

Ari Pol orwo Barnabas dau tidong ke Antiok deka tigosok osep pula tiparere osep e tinapapra Ida Puda ila pelengon.

Aposel 15:6

E osep aposel e osep ka tiplau Ida Tapolngon ila osep tiduni pulu ma timter pelengon pulu ine.

Aposel 2:1

Alo ari oklou ka tipou rogo omba ka tisire Pentikos polou. Deka Yesus ila disaipel tiduni pulu ke ninu kene e tipara ke Ano Itau.

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Pas ka Pol sogoe uti la ke osep Rom ina 16:12

Umawai “oklou itau” ke apmang Trifina orwo apmang Trifosa. Isak orwo tiboko engil ma tidue Ida Puda ila bokongon. E umawai “oklou itau” ke apmang Persis. Iye lou aten lokono e ngong lana ngong ke iye. Iye boko engil lokono ke Ida Puda ila bokongon.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Efesus 6:21

Ite lana ite ke gute Tikikus e iye boko dagar ke Ida Puda ila bokongon. Ma iye uti polou ke umu deka ma iye palongo lumu ke lou mosongon. Ma umeile ke lou elio isuk isuk e ke elio bitna bitna ka polou ke ngong.

Kolosi 4:7

Gute Tikikus iye sudo gesa ka imi lana imi ke iye e iye ma palongo lumu ke elio bitna bitna ka tipolou ke ngong. Iye Ida Puda ila gute bokongon ina gesa eriar langka ngong e aling aling iye due ila bokongon itau.

Kolosi 4:9

E Onesimus la kap iye. Iye supmu gesa e dong dagar ke ila bokongon e imi lana imi ke iye. Isak orwo ma tipalongo lumu ke wan ka pula keniye ka tipolou ke imi.

Filemon 1:16

E oku ane aitno lugom mter iye lem wokboi nating vala kovok. Aurou. Aitno lugom mter iye wom supmu gesa ka aitno lugom itau ke iye. Ngong lana ngong ke iye e dau wom lana wom omba ke iye. Kesua iye lem wokboi nating e silang blang iye wom supmu gesa ke Krais ila osua.

2 Pita 3:15

E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.