Aposel 15:1 - Aria New Testament

¹ Ari osep leklou ka tidong ke omur Judia time ke Antiok e tiparere osep ka aitno lisak dagar ke Yesus langane. “Langka umedidi elio ulangngan ina ka oglou Moses kare ke imi osep Yuda ina kovok Ida Tapolngon karanga lua umu ke lumu elio epmes ina kovok.”

Aposel 15:1 ပူးပေါင်းရင်းမြစ်များ

Jon 7:22

E umawai Moses kar umu elio ulangngan ina e ke batne langane umoulang keke arang otne ke oklou sabat blang. E lokono apu tonari polou ke Moses kovok e polou ke lumu seia.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:24

­Imeklingen sipmi leklou tikar pelengon ke umu ka didi aitno lisak vala e aitno lumu kro ine. Imi ane imapalongo urok langane kovok. Aurou. Tididi aitno lisak vala.

Aposel 15:3

Ida Tapolngon ila osep ka tidong ke Antiok tipagei osep tonari kla ke Jerusalem. E tisongon Antiok e tididi ekreng e tilila ke omur Fonisia e omur Samaria. Ari tipalongo osep ka tidong ke omur orwo tonari ke elio ka osep ka isak osep Yuda ina kovok tipul dogur ke urok elio epmes ina e aitno lisak la dagar ke Ida Tapolngon. Osep ka aitno lisak dagar ke Yesus kodong tiklingen ine e aitno lisak neser ine.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 15:5

E osep Farisi ina leklou ka aitno lisak dagar ke Yesus kodong tivri e tiwai langane. “Wan ka itau imawaiki umapalongo osep ari ka aitno lisak dagar ke Yesus ma tididi elio ulangngan ina e tididi Moses ila sogongon keniye ka oglou iye kare ke imi.”

Aposel 21:20

Osep tonari tiklingen Pol ila pelengon e tikakai Ida Tapolngon angaine tito la egim ine deka tiwai ke Pol langane. “Limem aten osep Yuda ina pula pula aitno lisak la dagar ke Yesus kodong. E silang blang langane. Osep tonari aitno lisak dau dagar lokono ma tididi Moses ila sogongon.

Aposel 6:14

Imeklingen iye wai langane. ‘Ma Yesus ka Nasaret ina dar Ida Tapolngon ila ninu ane e ma iye kar ite apu oku ina ka kasip udo apu ka oglou Moses kar isak ke ite.’”

Galesia 2:1

Ngadong la lama tobor songotno apanal mela yagos deka ngong imorwo Barnabas imala ke Jerusalem blang. E ngadue Taitus e iye la kap imi.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:12

Umoklingen. Osep ka isak arit isak lokono ka tidue elio ulangngan ina ke umu tidue langane kesua tiwaiki tikakai angainsak ke osep leklou amtarsak. E tidue langane kesua tiwaiki osep leklou tile langane kovok. Aitno lisak dagar ke Krais ka mete ke ina akai. E tiwaiki osep tidue agegeng ke isak ine kovok.

Kolosi 2:16

Umosongon gute gesa ma iye wade umu ke wan ka umangen koke wan ka umeinim koke ke oklou bitna bitna ka osep tirere ma itolotuim Ida Tapolngon ine koke ke rogo ke alo ka taiko nepel oku koke ke oklou sabat kovok.

Kolosi 2:8

Deka umaplau umu itau lama osep tiyak umu e tipagolgol aitno lumu ke urok pelengon vala. Tidue pelengon tonari ke urok seia e ke ano soulu ka tiplau sirva e taklak. E pelengon tonari me ke Krais kovok.