Aposel 14:23 - Aria New Testament

²³ Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 14:23 ပူးပေါင်းရင်းမြစ်များ

Mak 3:14

Osep tonari time tipolou ke iye deka iye rere osep songotno orwo ma isak ila aposel. Kesua iye waiki tidong kap iye e waiki ma iye pagei isak kla tinapapra Ida Tapolngon ila pelengon ke osep.

Luk 2:37

Deka ila boget mete e Ana dong asap batne la lama alo ka ina tobor polou 84. E aling aling iye dong ke Ida Tapolngon ila ninu e songone kovok. Iye pli ina ngangon ma aitno la ke Ida Tapolngon e wai itau ke iye e lotuim iye ke oklou e epmes.

Luk 23:46

E Yesus daiku omba langane. “Livou ngakar anngong ke wom.” Iye wai langane deka iye mete.

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:24

Deka tiwai itau ke Ida Tapolngon ine langane. “Ipem Puda emile osep ka pula keniye aitno lisak. Eknikane emnis imi ke gute ka emrere ma iye kasip Judas amune. Emnis imi ine deka ma iye polou aposel gesa deka ma iye boko ine. Oglou Judas songon ila bokongon ka amwaiki iye due deka iye la ke ila omur.”

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 14:26

Mase tidue sip e tisongon Atalia e isak kla tipolou ke Antiok. Oglou alo ka isak dau tidong ke Antiok ari Ida Tapolngon rere isak ma tiboko ke ila bokongon. Ari osep Kristen tipmi Ida Tapol-ngon ma iye lua isak ke urok bokongon ka oku ane tidue kodong.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 15:6

E osep aposel e osep ka tiplau Ida Tapolngon ila osep tiduni pulu ma timter pelengon pulu ine.

Aposel 20:17

Pol dong ke Miletus e ari iye due omon gesa la ke osep ka tiplau Ida Tapolngon ila osep ka tidong ke Efesus ma time tiduni pulu kap iye.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

2 Korin 8:19

E silang blang sios tonari tirere iye ma iye la kap imi e lua imi alo ka imogom mani e imakalke la ke Jerusalem. Imodue bokongon tonari ma osep tikakai Ida Puda angaine tito la egim e silang blang ma imenis osep imawaiki imolua isak.

1 Timoti 5:1

Langka gute namor due elio soulu amwai pelengon amnga ke iye kovok. Aurou. E ommosi iye ke pelengon molil molil vala e omdue anit ke iye langka iye ngap abo. E omdue elio itau ke osep arang ka isak dau auram langka omdue ke ngap saiver e ngap titovro.

1 Timoti 5:22

E omsuong ma emrere gute ma iye due Ida Tapolngon ila bokongon kovok. Amwade ila elio isuk isuk paide lama iye due elio soulu ka munu pes wom blang. E ma amplau wom itau e omdong itau lokono lama omdue elio soulu.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

Taitus 1:5

Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.

Jems 5:14

Langka gute gesa dong airavu ke umu ka paia ma iye gi osep ka tiplau sios. E osep elda ma time e tiwai itau ke Ida Tapolngon ine e tisak wel ke tarna ma lua iye blang.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.