Aposel 14:22 - Aria New Testament

²² E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 14:22 ပူးပေါင်းရင်းမြစ်များ

Matyu 10:38

E langka tipli tarna lisak e tididi ngong kovok tikaranga tidong lou disaipel kovok. Elio ka tipli tarna lisak ane langka aitno lisak mter urok mosongon ke taklak ane wan omba ke isak kovok.

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 19:24

Ngawai ke umu blang langane. Langka ongwa omba langka kamel waiki sep ke bitna ke nil sisirngen ina are langka gute ka ila mani pula waiki sep ke omur heven ka Ida Tapolngon plaue. Isak orwo engil lokono.”

Mak 10:30

Osep ka tisongon urok wan bitna bitna langane ma Ida Tapolngon lua isak ma tidue wan pula pula langka tisongone alo ka isak dau tidong ke taklak ane. Mase ma Ida Tapolngon kar urok ninu e osep langka inarak titovro e inarak saiver e sulutorok e titnarak e titorok e inarak taklak ke isak. E ma osep tidue agegeng ke isak blang. E mase ma tidong ke mosongon itau lokono ka dong vala dong.

Mak 9:47

“Langka omtomu gesa due umu umodue elio epmes ina ine ma umepie la vala. Langka umepi omtomu kene la deka umodue elio epmes ina kovok batne iye dong kovok are itau. Kesua mase ma umodong ke omur ka Ida Tapolngon plaue deka ma lumu mosongon ka itau dong vala dong. E langka omtomu orwo tidong deka umodue elio epmes ina bitna bitna ine e mase umala umokluk ke omur hel are soulu lokono.

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Jon 15:18

“Langka osep taklak ina aitno lisak engil e amnga ke umu ngawaiki aitno lumu mter langane. Osep aitno lisak engil e amnga ke ngong mgo deka aitno lisak engil e amnga ke umu.

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 11:26

Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 14:20

Deka Yesus ila disaipel tiduni pulu lelei iye deka iye poga tito e la ke armok blang. Iye dong ine la lama oklou silang deka iye orwo Barnabas tisongon Listra e isak kla ke Derbe.

Aposel 14:28

Deka ari tidong dau tauni kap Yesus ila disaipel ka tidong ke Antiok.

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 15:41

E Pol lila ke provins Siria e provins Silisia e ke omur orwo tonari iye kar pelengon ke Ida Tapolngon ila osep ka due aitno lisak tidong dagar lokono.

Aposel 18:23

Iye dong ke Antiok oklou leklou e mase songon armok e la lila ke omur Galesia e omur Frigia. E iye kar pelengon ke Yesus ila disaipel ka due aitno lisak dagar lokono ke Ida Tapolngon.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Aposel 9:16

Ma nganis iye ke elio soulu pula ka mase iye ma namani kesua batne iye due lou bokongon.”

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

1 Pita 2:21

Ke oglou Krais namani agegeng ka osep tidue ke iye ma iye lua umu. E Ida Tapolngon rere umu ma umakana Krais ila elio itau tonari.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Pita 5:9

Umevri dagar ke aitno lumu ila dagar e umopul Satan ila tokngon. Kesua umeile omur supmu ke omur ka pula keniye tinamani agegeng eriar langka umanamani agegeng.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.