Aposel 14:21 - Aria New Testament

²¹ Tipolou ke Derbe deka tinapapra Yesus ila omon itau ke osep ka tidong are. Deka ari osep pula tipolou Yesus ila disaipel. Mase tisongon Derbe deka tibauluk kla ke Listra e ke Aikoniam e ke Antiok blang.

Aposel 14:21 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Aposel 13:14

Tisongon Perga e isak kla tipolou ke armok Antiok ka dong ke omur Pisidia. Tipolou ke armok tonari kodong deka oklou sabat polou e isak kla ke osep Yuda ina urok duningen ina ninu gesa e tisepe e tidong ine.

Aposel 13:51

Deka Pol orwo Barnabas tisak taklak ina group ka dong ke kamsak ke isak. Are nisngen gesa ke osep tonari ma tile omur urok elio soulu. Deka isak kla ke armok Aikoniam.

Aposel 14:1

Pol orwo Barnabas tidong ke Aikoniam e tisep ke osep Yuda ina urok duningen ina ninu e tiwai pula kap osep ka tidong ine. Deka urok pelengon mter osep tonari aitno lisak. E osep Yuda ina pula e osep pula ka tiwai pelengon Grik aitno lisak la dagar ke urok pelengon.

Aposel 14:15

“Osep umoklingen. Umodue elio ane batne lange? Imi ane imi osep eriar langka umu. Eknikane imapaur omon itau ke umu ma umopul dogur ke lumu wan adai ane e aitno lumu la dagar ke Ida Tapolngon ka Tapolngon ka ila mosongon dong ke iye. Oglou ari kodong iye due omur ka egim e omur ka pula keniye e misuon. Iye due wan bitna bitna keniye ka tidong ine.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:26

Mase tidue sip e tisongon Atalia e isak kla tipolou ke Antiok. Oglou alo ka isak dau tidong ke Antiok ari Ida Tapolngon rere isak ma tiboko ke ila bokongon. Ari osep Kristen tipmi Ida Tapol-ngon ma iye lua isak ke urok bokongon ka oku ane tidue kodong.

Aposel 14:6

Pol orwo Barnabas tile omur ke osep tonari aitno lisak deka tiulou kla ke omur Likonia. Deka tidong ke Listra e Derbe e ke omur ka lelei armok orwo tonari.

Aposel 14:7

­Deka tinapapra Yesus ila omon itau ke osep ka tidong ke omur tonari.

Aposel 14:8

Alo ka tidong ke Listra tivati gute gesa ka kamla soulu e iye karanga lila kovok. Oglou alo ka tna divir iye deka kamla soulu kodong e iye lila kovok.

Aposel 15:36

Pol e Barnabas dau tidong ari e mase isuk boto Pol wai ke Barnabas langane. “Ma itabauluk itala ke armok keniye ka oglou itanapapra Ida Puda ila pelengon ine ma itavati sudo e iteile omur ke isak.”

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.