Aposel 13:51 - Aria New Testament

⁵¹ Deka Pol orwo Barnabas tisak taklak ina group ka dong ke kamsak ke isak. Are nisngen gesa ke osep tonari ma tile omur urok elio soulu. Deka isak kla ke armok Aikoniam.

Aposel 13:51 ပူးပေါင်းရင်းမြစ်များ

Matyu 10:14

Langka gute gesa aitno itau ke umu koke lumu pelengon kovok io umosongon ila ninu koke ila armok ari. E alo ka umosongone umasak group ke kopmu. Umodue elio tonari ma umenis isak ke urok elio soulu.

Mak 6:11

Langka umala umopolou ke armok gesa ka ina osep tidue umu umesep ke urok ninu kovok e tipono aitno lisak ke lumu pelengon deka umosongon isak e umala ke armok silang blang. Alo ka umosongon armok ka due elio langane deka umasapirpir taklak ina group ka dong ke lumu su. Umodue elio langane kesua batne ma umenis osep tonari ke urok elio soulu ka tiwaiki tiklingen Ida Tapolngon ila pelengon kovok.”

Luk 10:11

‘Imasak lumu armok ina taklak ina group ka dong ke kepmi la langka nisngen ke lumu elio soulu. E dau imawaiki umeile langane. Elio ka Ida Tapolngon plau osep polou olwo boto ke umu kodong.’

Luk 9:5

E langka umopolou ke armok gesa e osep tipli umu deka alo ka umosongon armok tonari umasak taklak ina group ke kopmu. E elio ane nisngen ke urok elio soulu.”

Aposel 14:1

Pol orwo Barnabas tidong ke Aikoniam e tisep ke osep Yuda ina urok duningen ina ninu e tiwai pula kap osep ka tidong ine. Deka urok pelengon mter osep tonari aitno lisak. E osep Yuda ina pula e osep pula ka tiwai pelengon Grik aitno lisak la dagar ke urok pelengon.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:21

Tipolou ke Derbe deka tinapapra Yesus ila omon itau ke osep ka tidong are. Deka ari osep pula tipolou Yesus ila disaipel. Mase tisongon Derbe deka tibauluk kla ke Listra e ke Aikoniam e ke Antiok blang.

Aposel 18:6

Osep Yuda ina tiklingen Pol ila pelengon deka tipul dogur ke iye e tiwai soulu ke iye. Pol klingen urok pelengon e batuktuk ila molo ma ina group la deka iye wai langane. “Langka umeimina ke lumu elio epmes ina io batne dong ke umu e dong ke ngong kovok. E ngong ma ngala nganapapra ke osep ka isak osep Yuda ina kovok.”

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.