Aposel 13:50 - Aria New Testament

⁵⁰ Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 13:50 ပူးပေါင်းရင်းမြစ်များ

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Mak 5:17

Osep time e tiklingen urok pelengon yagos deka tikel Yesus langane. “Yesus wom amla ke omur silang. Omdong ke limem omur ane kovok.”

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 13:45

­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 14:4

E osep pula ka tidong ke armok aitno lisak orwo ke isak. Osep leklou aitno lisak kene ke osep aposel e osep leklou aitno lisak kene ke osep Yuda ina.

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 16:14

Ari apmang kene dong ka klingen limem pelengon ka angaine Lidia ka ila armok batne Taiataira e iye boko e due burong ke molo ka edimor vala. Ari oklou aling aling iye lotuim Ida Tapolngon. Alo ari iye klingen Pol ila pelengon deka Ida Puda lua iye ke pelengon tonari e aitno la dagar ine.

Aposel 17:12

Ari osep Yuda ina pula aitno lisak la dagar ke Yesus e osep Grik ina ka apmang e arang ka angainsak omba aitno lisak la dagar ke iye blang.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 17:17

E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 17:4

Osep Yuda ina leklou aitno lisak la dagar ke Pol ila pelengon e tineklep ke Pol orwo Sailas. E osep Grik ina ka tidue anit ke Ida Tapolngon tineklep ke isak blang. E apmang leklou ka angainsak omba tineklep ke isak blang.

Aposel 18:7

Deka Pol songon duningen ina ninu tonari e la polou ke gute gesa ka lotuim Ida Tapolngon ka angaine Titius Jastus. Ila ninu dong olwo boto ke duningen ina ninu tonari.

Aposel 2:5

Alo ari osep Yuda ina pula ka tiwaiki tilotuim Ida Tapolngon ka urok armok batne dong ke kantri pula tidong ke Jerusalem.

Aposel 21:27

Pol gosok osep apanal tidong la lama oklou lumorwo ka tididi apu tonari olwo boto yagos. E ari osep Yuda ina leklou ka isak kaulei ke omur Esia tivati Pol ke Ida Tapolngon ila ninu. Deka tisruk osep pula aitno lisak e tikis Pol dagar.

Aposel 28:17

Pol dong ke Rom oklou eklu mela yagos deka iye gi osep Yuda ina urok osep namormor ka tidong ke armok ma time tiduni pulu kap iye. Deka osep tonari tiduni pulu kap Pol e iye wai ke isak langane. “Sipmi. Umoklingen lou pelengon. Oglou ngadue elio soulu ke itosep Yuda ina sudo gesa kovok e ngadar udo seia urok apu gesa kovok. Lama ngadue elio soulu langane kovok osep Yuda ina tidue ngong ngasep ke kalabus ke Jerusalem. E tipaur ngong ke osep Rom ina limsak.

Aposel 6:12

Osep tonari tisruk osep pula e osep ngongle e osep ka tile itau ke Moses ila sogongon aitno lisak deka aitno lisak soulu lokono ke Stiven. Deka tikis iye dagar e tipaur iye la ke osep kaunsil ina amtarsak.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Pas ka Pol sogoe uti la ke osep Rom ina 10:2

Ngaile omur osep Israel ina tiwaiki tidue wan ka Ida Tapolngon waiki tidue e dau tile omur itau ke wan ka Ida Tapolngon waiki tidue kovok.

2 Korin 11:26

Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

1 Tesalonaika 2:14

Sipmi. Agegeng polou ke umu eriar langka polou ke Ida Tapolngon ila osep ka tineklep ke Yesus Krais ka tidong ke omur Judia. Lumu osua tidue agegeng ke umu langka osep Yuda ina tidue ke Ida Tapolngon ila osep ka tidong ke omur Judia.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.