Aposel 13:48 - Aria New Testament

⁴⁸ Osep ka isak osep Yuda ina kovok tiklingen Pol orwo Barnabas urok pelengon deka aitno lisak neser ine. Deka tiwai langane. “Ida Puda ila pelengon itau lokono.” Deka osep keniye ka Ida Tapolngon rere isak ila osep aitno lisak la dagar ine.

Aposel 13:48 ပူးပေါင်းရင်းမြစ်များ

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Matyu 28:16

E osep disaipel songotno kene kla ke omur Galili ke gigri ka Yesus wai ine.

Luk 7:8

Kesua ngadong moli ke osep ka tiplau ngong e silang blang ngaplau osep ola ina blang. E ngawai ke gute kene ‘amla’ e iye la e ngawai ke gute silang ‘omo’ e iye me. E ngawai ke lou gute bokongon ina ‘omdue wan ane’ e iye due.”

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Jon 11:52

E iye mete ke osep Yuda ina vala kovok. Aurou. Iye mete ke Ida Tapolngon ila osep keniye ka tidong ke omur omur. Ma iye due isak tipolou osua kene vala.

Aposel 13:12

Alo ka Sergius Paulus ka vri mgo ke omur are vati elio ane aitno la dagar ke Ida Puda. Deka aitno mter pula ke ila pelengon.

Aposel 13:42

Pol orwo Barnabas tiwai yagos deka tisongon osep Yuda ina urok duningen ina ninu tonari. Deka osep ka tidong ine tiwai dagar ke isak langane. “Sabat ka amtada ari ma umaparere imi ke pelengon ane blang.”

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Aposel 15:31

Deka osep tiritim pas tonari ila pelengon. Tiritime deka aitno lisak neser ine kesua pelengon tonari due aitno lisak itau.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 20:13

Imesep ke sip e imomgo ke armok Asos ka imawaiki imososon Pol ine. Oglou Pol wai ke imi langane. “Umomgo umesep ke sip e umopolou ke Asos mgo e ma ngame batne e ngadidi ekreng ma ngapolou ke umu.”

Aposel 22:10

Deka ngawai langane. ‘Ngau Puda amwaiki ngadue sua?’ E iye wai langane. ‘Emtito emsep ke Damaskus deka ma gute silang palongo lem ke bokongon ka ngarere ke wom ma omdue.’

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 8:8

Deka osep pula ka tidong ke armok are aitno lisak neser pula ine.

Pas ka Pol sogoe uti la ke osep Rom ina 11:7

Deka lange? Osep Israel ina pula tikrim ke elio gesa ka karanga due isak tipolou itau e osuk ke Ida Tapolngon bitna e tibure vala. E Ida Tapolngon rere isak leklou ila osep ma tipado iye. E isak leklou tipono aitno lisak ke Ida Tapolngon ila pelengon.

Pas ka Pol sogoe uti la ke osep Rom ina 13:1

Ite ka pula keniye ma ite-klingen e itedidi osep gavman ina urok pelengon. Iteile Ida Tapolngon rere isak ma tiplau ite e tirere isak ine kovok.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

Efesus 1:11

Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.

Efesus 1:19

Ma umeile omur ke Ida Tapolngon ila arit ka ombatno lokono ka iye lua ite ka aitno lite dagar ke Krais ine.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Efesus 1:5

Oglou ari kodong Ida Tapolngon lana iye ke ite e rere ite titno ite kesua batne iye ile ma Yesus Krais lua ite. Deka iye tona didi aitno e rere ite titno ite.

2 Tesalonaika 3:1

Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.