Aposel 13:46 - Aria New Testament

⁴⁶ Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 13:46 ပူးပေါင်းရင်းမြစ်များ

Matyu 10:6

Umala ke osep Israel ina ka isak langka sipsip ka timina kodong vala.

Matyu 21:41

E tikoli tiwai ke iye langane. “Ma iye mluk osep soulu bitna tonari omba ma timete ine e ma iye due osep leklou tiplau ila yage itau e ma tikar iye ila aman ke lana ine.”

Matyu 21:43

E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue.

Matyu 25:46

E Yesus babrum ila pelengon langane. “Osep tonari ma tidue ulesngen ka dong vala dong. E osep ka tidong itau e osuk ma tidue urok mosongon ka dong vala dong.”

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 1:11

Iye me ke ila osua e aitno lisak itau ke iye kovok e tidue kovok.

Jon 4:22

Umu osep Samaria ina umolotuim wan ka umeile itau ine kovok. E imi osep Yuda ina imolotuim wan ka imeile itau ine. Kesua Ida Tapolngon pagei osep Inarak Luangan ka lua isak ke urok elio epmes ina ma iye polou ke osep Yuda ina.

Aposel 13:14

Tisongon Perga e isak kla tipolou ke armok Antiok ka dong ke omur Pisidia. Tipolou ke armok tonari kodong deka oklou sabat polou e isak kla ke osep Yuda ina urok duningen ina ninu gesa e tisepe e tidong ine.

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 13:5

Tipolou ine deka tilila la lama tipolou ke armok Salamis. Ari tisep ke osep Yuda ina urok duningen ina ninu deka tinapapra Ida Tapolngon ila pelengon. E Jon blang lua isak ke urok bokongon.

Aposel 19:9

Osep pula tiklingen Pol ila pelengon e osep leklou tiwai apok ke iye ke osep pula amtarsak. Tipono aitno lisak e tiwai soulu lokono ke elio oku ina ka Pol napapra ke isak. Pol vati urok elio soulu deka iye gosok Yesus ila disaipel tisongon osep tonari. E isak kla ke gute Tiranus ila ninu ka iye nasi osep ine. E ke oklou kene kene tiwai Ida Tapolngon ila pelengon ke osep ari.

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 26:20

Ari mgongon nganapapra Ida Tapolngon ila pelengon ke osep ka tidong ke Damaskus. Deka nganapapra ke osep ka tidong ke Jerusalem. Deka nganapapra ke osep ka tidong ke omur Judia. Deka nganapapra ke osep ka isak osep Yuda ina kovok. Nganapapra ke isak keniye langane. ‘Osep umabauluk aitno lumu ke lumu elio epmes ina e aitno lumu la dagar ke Ida Tapolngon vala. Deka umodue elio itau ka nis osep umabauluk aitno lumu ke lumu elio epmes ina kodong.’

Aposel 28:28

­Pol wai langane deka wai ke isak blang langane. “Osep umoklingen e umeile langane. Eknikane Ida Tapolngon pagei ila omon itau ka la ke elio ka iye lua osep ke urok elio epmes ina ke osep ka isak osep Yuda ina kovok. E ma tiklingen ke iye.”

Aposel 3:26

Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 7:51

Stiven dau wai ke osep Yuda ina langane. “Talapmu klingen pelengon tonari kovok. Aurou. Aitno lumu dagar lokono ke umu tona vala. Lumu elio soulu eriar langka lumu seia urok elio soulu kesua talapmu klingen Ano Itau ila pelengon kovok.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Pas ka Pol sogoe uti la ke osep Rom ina 2:10

E silang blang langane. Ma Ida Tapolngon koli elio ka itau ke osep keniye ka oglou tidue elio itau. Ma iye due elio itau ke osep Israel ina mgo. Deka ma iye due elio itau ke osep ka isak osep Yuda ina kovok blang. Ma aitno epen ke osep keniye ka tidue elio itau. E ma iye kakai angainsak e ma tidong itau kap iye.

Filipai 1:14

E sudo leklou pula aitno lisak tipolou dagar lokono ke Ida Puda batne ke lou elio alo ka ngadong ke kalabus. Deka tinapapra Ida Tapolngon ila pelengon e tiulou tarna lisak ine kovok.

Hibru 11:34

E alo ka osep tiuri isak ke eiou deka Ida Tapolngon lua isak ma timole eiou tonari. E alo ka osep leklou tiwaiki tiblou isak ke elil omba deka Ida Tapolngon lua isak ma tikos ke elil tonari. E alo ka urok arit sasi boto Ida Tapolngon due isak tidong dagar deka isak arit isak e tidue evlei e timole osep ola ina ka time ke omur mawa.