Aposel 13:45 - Aria New Testament

⁴⁵ ­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.

Aposel 13:45 ပူးပေါင်းရင်းမြစ်များ

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Matyu 27:18

Kesua iye ile aitno lisak rim ke Yesus e tipaur iye ke bitna.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:19

Alo ari osep Yuda ina leklou ka tidong ke Antiok e Aikoniam tipolou ke Listra. E tisruk osep pula aitno lisak deka osep tonari tidue opmu e timluk Pol ine. Deka tiriri iye la munu ke armok ina boul kesua aitno lisak mter iye mete kodong.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 14:4

E osep pula ka tidong ke armok aitno lisak orwo ke isak. Osep leklou aitno lisak kene ke osep aposel e osep leklou aitno lisak kene ke osep Yuda ina.

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 17:5

E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.

Aposel 18:6

Osep Yuda ina tiklingen Pol ila pelengon deka tipul dogur ke iye e tiwai soulu ke iye. Pol klingen urok pelengon e batuktuk ila molo ma ina group la deka iye wai langane. “Langka umeimina ke lumu elio epmes ina io batne dong ke umu e dong ke ngong kovok. E ngong ma ngala nganapapra ke osep ka isak osep Yuda ina kovok.”

Aposel 19:9

Osep pula tiklingen Pol ila pelengon e osep leklou tiwai apok ke iye ke osep pula amtarsak. Tipono aitno lisak e tiwai soulu lokono ke elio oku ina ka Pol napapra ke isak. Pol vati urok elio soulu deka iye gosok Yesus ila disaipel tisongon osep tonari. E isak kla ke gute Tiranus ila ninu ka iye nasi osep ine. E ke oklou kene kene tiwai Ida Tapolngon ila pelengon ke osep ari.

Aposel 5:17

Alo ari gute loulou ina ka mgo gosok sisrok ka osep Sadyusi ina aitno lisak rim ke osep aposel deka aitno lisak soulu ke isak.

Pas ka Pol sogoe uti la ke osep Rom ina 1:29

Osep ari tidue elio bitna bitna ka itau kovok. Aurou. Tidue elio bitna bitna ka elio epmes ina vala. Tingale osep urok wan e tidue elio soulu bitna bitna pulu. Aitno lisak rim ke osep urok wan e tidue burwa ke osep. Isak amnga isak pulu e tiyak osep ma tipi urok wan. E tipaiavu osep e tidue adis.

1 Korin 3:3

Kesua umu dau umedidi aitno lumu oglou ina. E elio ka oglou ina e elio ka aitno lumu soulu ke lumu saten leklou e elio ka umotuk opmu pulu dau tidong ke umu. E elio tonari ka umodue io isak elio ka aitno lumu oglou ina tidue. Elio tonari osep ka taklak ina urok elio.

2 Korin 11:26

Aling pula ngalila ngala ke omur mawa e lou langan pula kakluk metengen. Langan tonari kakluk metengen ke aki e ke osep panakongon ina e ke osep ka lou osua e ke osep ka isak osep Yuda ina kovok. E lou langan kakluk metengen ke armok e ke omur ka dong adai vala e ke misuon e ke osep Kristen yakngan ina.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

1 Tesalonaika 2:16

E tiwaiki tidangdang imi alo ka imawaiki imanapapra omon itau ke osep ka isak osep Yuda ina kovok. E umeile omon tonari karanga lua isak ke urok elio epmes ina. Deka aling aling osep tonari tidue elio epmes ina deka urok elio epmes ina res polou omba lokono. E eknikane Ida Tapolngon aitno ila engil polou lisak e ma ngen isak.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

1 Pita 4:4

E oku ane umodue elio soulu bitna bitna tonari kovok. E osep epmes ina tidigrik kesua umodue elio epmes ina kap isak kovok. Deka tiwai soulu ke umu ine.

Pas ka Jut sogoe 1:10

E osep tonari tiwai soulu ke wan bitna bitna ka tile omur ine kovok. E isak langka ongwa ka tile omur kovok e tididi pampamu lisak vala. E urok elio tonari ma due agegeng ke isak.