Aposel 13:39 - Aria New Testament

³⁹ Iye lua osep ka pula keniye ka aitno lisak dagar ke iye ke urok elio epmes ina e due noklok la. E pelengon dagar ka Moses kare ke osep karanga due elio epmes ina noklok la kovok.

Aposel 13:39 ပူးပေါင်းရင်းမြစ်များ

Luk 10:25

Mase gute kene ka ile itau ke Moses ila sogongon tito vri ma iye tok Yesus e pmi iye langane. “Gute parerengen ina ma ngadue sua ma ngadue lou mosongon ka dong vala dong?”

Luk 10:28

E Yesus wai ke iye langane. “Amwai lokono. Oku ane emdidi elio are e ma omdue lem mosongon ka dong vala dong.”

Luk 18:14

Deka Yesus wai langane. “Ngawai ke umu langane. Alo ka isak orwo tiding ke urok ninu ninu gute ka due takis dong itau ke Ida Tapolngon bitna e gute silang dong langane kovok. Kesua gute ka kakai iye tona angaine ma Ida Tapolngon pes iye duru e gute ka pes iye tona angaine ma Ida Tapolngon kakai iye tito.”

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Aposel 10:43

Oglou osep napaprangan ina keniye tiwai ine langane. ‘Osep ka pula keniye ka aitno lisak dagar ke iye ma iye due urok elio epmes ina noklok la batne ke iye tona.’”

Pas ka Pol sogoe uti la ke osep Rom ina 10:10

Kesua langka aitno lite la dagar ke Ida Luangan Yesus Ida Tapolngon ma due ite itopolou itau e osuk ke bitna. Deka itapalongo osep ke Ida Luangan Yesus e Ida Tapolngon lua ite ke udo elio epmes ina.

Pas ka Pol sogoe uti la ke osep Rom ina 10:4

Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 3:19

E iteile omur Moses ila sogongon plau osep Yuda ina ka pula keniye. Moses ila sogongon tonari dong e dangdang osep pula ka tididie ka tiwaiki tibisi ke urok elio epmes ina. Deka osep ka pula keniye urok elio soulu vri ke isak ke Ida Tapolngon bitna.

Pas ka Pol sogoe uti la ke osep Rom ina 3:20

Umoklingen. Moses ila sogongon karanga due ite itopolou itau e osuk ke Ida Tapolngon bitna kovok. Aurou. Iye nis ite ke udo elio epmes ina vala.

Pas ka Pol sogoe uti la ke osep Rom ina 4:15

Moses ila sogongon nis ite ke udo elio soulu vala. E osep ka tidar sogongon tonari e tidue elio soulu vala Ida Tapolngon aitno ila engil ma due isak. E langka pelengon dagar gesa ka plau ite dong kovok ma itakaranga itadar pelengon dagar tonari kovok.

Pas ka Pol sogoe uti la ke osep Rom ina 4:24

Aurou. Pelengon tonari me ke ite ka aitno lite dagar ke Ida Tapolngon blang. Iye due ite itopolou itau e osuk ke bitna kesua aitno lite la dagar ke Ida Tapolngon kodong ka oglou due Ida Puda Yesus poga tito ke ina denga.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Pas ka Pol sogoe uti la ke osep Rom ina 5:9

E eknikane Ida Tapolngon due ite itopolou itau e osuk ke bitna batne ke Yesus ina metengen e ina marau ka kasip amunte. Itopolou itau e osuk ke Ida Tapolngon bitna batne ke Ida Kasipngen ka kasip amunte kodong. Deka Ida Tapolngon aitno epen ke ite. E ma aitno ila engil due ite kovok kesua batne Yesus kasip amunte kodong.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Pas ka Pol sogoe uti la ke osep Rom ina 9:31

E osep Israel ina ka tiwaiki tididi elio ka due isak tipolou itau e osuk ke Ida Tapolngon bitna tibure.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Galesia 2:19

E Moses ila sogongon paur ngong ke ekreng ka la ke metengen e Moses ila sogongon nis ngong ngadong langka gute ka mete kodong.

Galesia 3:8

Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”

Galesia 5:3

Umu kenmu kenmu ka umosongon osep tidue elio ulangngan ina ke umu ngawaiki ngawai malak ke umu langane. Langka umodue elio langane ma umedidi Moses ila sogongon keniye blang.

Hibru 10:11

Osep loulou ina ka isak osep Israel ina tidue urok bokongon oklou aling aling. Aling aling tidue elio opmu ina e elio tonari karanga klok osep urok elio epmes ina kovok.

Hibru 10:4

Kesua Ida Tapolngon karanga klok osep urok elio epmes ina batne ke bulmakau bole koke meme inarak marau kovok.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.