Aposel 13:27 - Aria New Testament

²⁷ Oglou osep ka tidong ke Jerusalem tigosok osep ngongle tile omur ke osep napaprangan ina urok sogongon lana ine kovok. Sabat aling aling tiritim sogongon tonari e tile lana ine kovok. Lama tile ine kovok urok elio ka tisin elio vri ke Yesus didi osep napaprangan ina urok sogongon. Deka sogongon tonari polou lokono.

Aposel 13:27 ပူးပေါင်းရင်းမြစ်များ

Matyu 22:29

E Yesus koli wai ke isak langane. “Umeile Ida Tapolngon ila pelengon kovok e umeile ila arit kovok e ke batne ane aitno lumu kaka ine.

Luk 22:34

E Yesus koli wai ke iye langane. “Pita ngawai lokono ke wom langane. Ke epmes ane mgo ke alo ka kwako bole wai aling kene ina ma amwai emile ngong kovok aling eklu.”

Luk 23:13

Deka Pailot gi osep loulou ina ka omba e osep kaunsil ina e osep leklou ma time tiduni pulu ke bitna.

Luk 24:20

Osep loulou ina ka omba e udo osep kaunsil ina tikar iye ke osep Rom ina limsak ma tiwai iye mete deka tinilim iye ka ina akai e iye mete.

Jon 15:21

E ma tidue agegeng ke umu batne umu lou osep e tile omur ke Livou ka pagei ngong ngame kovok.”

Jon 16:3

E ma tidue langane batne langane. Oglou tile Livou kovok e tile ngong kovok blang.

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 8:28

E Yesus wai ke isak langane. “Alo ka umakakai ngong ka Gute Ka Polou Langka Osep ke ngau akai ma umeile ngong Gute Ka Ngadong Kodong e ma umeile ngadidi aitno lungong e ngadue elio bitna bitna kovok. Aurou. Ngawai pelengon ka Livou nis ngong ine vala.

Aposel 15:21

Kesua oglou me iding ke eknikane osep leklou tidong ka tinapapra Moses ila sogongon ke armok pula pula. E sabat aling aling osep tiritim Moses ila sogongon ke urok duningen ina ninu ka tidong ke armok armok.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 3:17

“Sipmi. Ngaile langane. Oglou umogosok lumu osep ngongle umodue elio soulu ke Yesus batne umeile iye itau kovok. Aurou. Aitno lumu kaka ke iye.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

1 Korin 2:8

E pelengon tonari langka osep leklou ka tivri mgo ke ite ke taklak ane urok kovok. Aurou. Io langka tile omur ine ma tidue Ida Puda iye mana ke ina akai kovok. Iye Ida Puda ka ila arit e ila bublongon ombatno.

2 Korin 3:14

E bara lisak pono e tikaranga tile itau kovok. E alo ari lila me ke eknikane alo ka tiritim Moses ila sogongon langka wan dau pono bara lisak. Krais vala karanga pi wan are la.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

1 Timoti 1:13

Lokono. Oglou aling aling ngawai soulu ke iye e ngadue agegeng ke ila osep e ngawai sasi ke iye. E dau iye ile ngadue elio tonari kesua ngaile iye kovok e aitno lungong dagar ke iye kovok. Deka aitno due ngong.