Aposel 13:25 - Aria New Testament

²⁵ Jon napapra ke isak alo ka isuk boto iye due ila bokongon yagos e wai ke isak langane. ‘Aitno lumu lange ke ngong? Umoklingen. Ngong gute ka umapara ke iye kovok. Iye gute gesa ka me batne ke ngong. Ma iye me deka ngakaranga ngakles ila su kovok kesua ngong gute itau lokono kovok.’”

Aposel 13:25 ပူးပေါင်းရင်းမြစ်များ

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Mak 1:7

Alo ari Jon napapra ke osep langane. “Mase ma gute silang ka ila arit mole ngong me polou ke umu. Ma ngadue anit ke iye kesua ngong itau ma ngakaranga ngakles ila su kovok.

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Jon 1:36

E alo ka iye vati Yesus lila iye wai langane. “Umavati. Gute are Ida Tapolngon ila Sipsip Otno.”

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 7:18

Gute ka didi aitno e wai ila pelengon due langane ma osep tikakai angaine tito. E gute ka waiki kakai gute ka pagei iye me angaine iye wai pelengon lokono vala e yakyak kovok.”

Aposel 19:4

Deka Pol wai ke isak lang-ane. “Oglou alo ka Jon paunim osep iye wai langane. ‘Osep eknikane umabauluk aitno lumu ke lumu elio epmes ina e umodue elio paunimngen ina. Mase gute silang ma me ke ngong e aitno lumu la dagar ke iye vala.’ Gute are iye Yesus.”

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

Pelengon kukwopngon 11:7

Alo ka tinapapra Ida Tapol-ngon ila pelengon yagos deka ongwa kevena ka dong ke ovuk ka duru la ke moli lokono ma tito me e due evlei kap isak. Ma iye mole isak e mluk isak ma timete.