Aposel 12:5 - Aria New Testament

⁵ Pita dau dong ke kalabus aitno e osep ola ina tiplau iye itau. Alo ari oklou aling aling Ida Tapolngon ila sios tipmi Ida Tapolngon pula ma iye lua Pita.

Aposel 12:5 ပူးပေါင်းရင်းမြစ်များ

Matyu 18:19

“E ngawai blang langane. Langka osep orwo eklu langane ke umu aitno lumu kene pulu e umepmi Ida Tapolngon ke wan gesa io Livou ka dong ke omur heven ma due.

Luk 18:1

Deka Yesus wai pelengon ano ke ila disaipel ma tile langane. Aling aling ma tiwai itau ke Ida Tapolngon e meingen isak ine kovok.

Aposel 12:12

Ari Pita ile omur elio ka polou ine kodong deka iye la polou ke Jon tna Maria ila ninu. Jon tonari angaine silang Mak. Alo ari osep pula ka aitno lisak dagar ke Yesus tiduni pulu ke ninu tonari e tiwai itau ke Ida Tapolngon.

Aposel 12:4

Osep ola ina tonari tidue Pita la ke kalabus kodong deka osep ola ina leklou blang tiplau iye. Osep ka tiplau Pita inarak sasa songotno lumakene. Osep apanal apanal tiplau iye aling kene e tilua pulu ke ina plaungan. Tiplau iye itau kesua Herot waiki alo ka osep Yuda ina inarak apu tonari yagos ma Pita polou ke osep pula amtarsak e ma osep ola ina timke iye ma iye mete.

Aposel 12:6

Pita dau dong ke kalabus aitno deka ke oklou ka me Herot waiki Pita polou ke osep pula amtarsak. Epmes polou deka Pita munu kudung airavu ke osep ola ina orwo. Ari tipou sen orwo ke Pita limla orwo e tipou limsak ine blang. Osep ka tiplau kalabus tonari ina ekreng bitna tivri ine e tiplaue itau.

1 Korin 12:26

Deka langka pampamu lite ongwa ine gesa doro ma ongwa lite ka pula keniye isak doro blang. E langka ongwa lite gesa neser ma ongwa lite ka pula keniye neser kape.

2 Korin 1:11

E ma umolua imi alo ka umawai itau ke Ida Tapolngon ke imi. Ma osep pula aitno lisak itau ke kerengen ka polou ke imi batne ke urok pmingen itau ke imi.

1 Tesalonaika 5:17

E aling aling umawai itau ke Ida Tapolngon.

Hibru 13:3

Omtomu sisir osep ka tidong ke kalabus e aitno lumu mter langka umodong ke kalabus kap isak. E omtomu sisir osep ka agegeng polou ke isak langka agegeng polou ke umu blang.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.