Aposel 12:4 - Aria New Testament

⁴ Osep ola ina tonari tidue Pita la ke kalabus kodong deka osep ola ina leklou blang tiplau iye. Osep ka tiplau Pita inarak sasa songotno lumakene. Osep apanal apanal tiplau iye aling kene e tilua pulu ke ina plaungan. Tiplau iye itau kesua Herot waiki alo ka osep Yuda ina inarak apu tonari yagos ma Pita polou ke osep pula amtarsak e ma osep ola ina timke iye ma iye mete.

Aposel 12:4 ပူးပေါင်းရင်းမြစ်များ

Matyu 24:9

“Alo ari osep ma tidue umu umevri ke kot bitna deka tiules umu e tidue burwa ke umu. E ma osep ka pula keniye aitno lisak soulu lokono ke umu batne ke ngong.

Matyu 26:5

E tiwai langane. “Itodue elio ane alo ka itodue rogo dau kovok lama itosruk osep aitno lisak ma tidue evlei.”

Mak 14:1

Alo ari osep Yuda ina tikere rogo ka lana ine la ke alo ka Ida Tapolngon lua isak tisongon omur Isip. Deka tikere inarak bret ka yis dong ine kovok ma gasak tingene. Alo ari osep loulou ina ka omba e osep ka tile itau ke Moses ila sogongon tikrim ekreng ka tiwaiki tiyak Yesus ine ma tikis iye dagar. Kesua tiwaiki tidue burwa ke iye.

Luk 21:12

E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong.

Luk 22:33

E Pita koli wai ke iye langane. “Ngau Puda langka osep tidue wom emsep ke kalabus ma ngasep kap wom e langka tidue burwa ke wom ma emmete ma ngamete kap wom.”

Jon 19:23

Alo ka osep ola ina tinilim Yesus mana ke ina akai yagos osep ola ina tiwade ila klos ke emkil apanal e isak kene kene tidue emkil kene. E tidue ila siot blang ka osep tidue ke molo kene vala.

Jon 21:18

Deka Yesus wai ke Pita blang langane. “Ngawai lokono ke wom langane. Alo ka wom dau auram emtnei lem klos e emkere wom ma emdidi aitno lugom e emlila ke omur omur. E mase alo ka ompolou lapun ma amkakai livep e osep leklou ma titnei wom ke lem klos e timgo ke wom ke omur omur ka amwaiki amla ine kovok.”

Aposel 12:3

Jems mete deka osep Yuda ina aitno lisak itau ine. Herot vati aitno lisak itau ine deka iye wai ke osep ola ina e tikis Pita dagar e tipaur iye la sep ke kalabus. Elio ane polou alo ka osep Yuda ina tidue inarak apu ka tingen bret ka yis dong ine kovok.

Aposel 12:5

Pita dau dong ke kalabus aitno e osep ola ina tiplau iye itau. Alo ari oklou aling aling Ida Tapolngon ila sios tipmi Ida Tapolngon pula ma iye lua Pita.

Aposel 4:28

Tiduni pulu e tidue elio bitna bitna ka oglou emrere ma tipolou ke iye.

Aposel 4:3

Deka tikis Pita orwo Jon e tipaur isak kla tidong ke kalabus aitno kesua kirui polou kodong. Tiwaiki tidong ine ma kotkotu tiklingen urok pelengon.

Aposel 5:18

Deka tikis osep aposel dagar e tipaur isak kla tisep ke kalabus e tidong kap osep sosoulu.

Aposel 8:3

E Sol aitno amnga iye lokono ke osep ka aitno lisak dagar ke Yesus e iye waiki due agegeng ke isak keniye. E iye la ke urok ninu kene kene deka kis osep arang e apmang dagar e due isak kla tisep ke kalabus deka tidong ine.