Aposel 12:17 - Aria New Testament

¹⁷ Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 12:17 ပူးပေါင်းရင်းမြစ်များ

Matyu 10:23

Langka osep tidue agegeng ke umu ke armok kene deka umala umosuong ke armok silang. Ngawai dagar ke umu langane. Ma umala ke armok keniye ka tidong ke omur Israel dau kovok e Gute Ka Polou Langka Osep ma polou.”

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 1:22

Deka alo ka iye polou ke dogur iye karanga wai kovok. E tile iye vati ano alo ka iye dong ke Ida Tapolngon ila ninu. Iye due nisngen ke limla e dau iye karanga wai kovok.

Jon 10:40

Deka iye iding la ke aki Jordan burla ke omur ka oglou Jon nogrum paunim osep ine e iye dong are.

Jon 11:54

Yesus ile aitno lisak deka iye lila ke osep Yuda ina amtarsak blang kovok. Iye songon omur are e la dong ke armok ka angaine Efraim. Efraim dong olwo boto ke omur ka dong adai vala.

Jon 13:24

Deka Saimon Pita apna nemit ke disaipel ane e wai ke iye langane. “Empmi iye langka iye wai ke gute sei ke ite.”

Jon 7:1

Mase Yesus lila ke omur omur ke omur Galili e iye la ke omur Judia kovok kesua osep Yuda ina ka tidong ke omur are tiwaiki tidue burwa ke iye.

Jon 8:59

Yesus wai langane deka osep tidue opmu ma tiuri isak ke iye. E Yesus kukwop iye ke isak deka songon omur ka lelei Ida Tapolngon ila ninu.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 12:16

Pita dau vri ke ninu ina ekreng bitna e limla nopolpol ine. Deka osep tiklok ninu ina ekreng bitna e tivati Pita vri ine deka tidigrik pula ine.

Aposel 12:18

Kotkotu lokono polou e osep ola ina ka tiplau Pita tivati Pita kovok deka ansak nesik ine e tipmi pulu langane. “Pita dong ge?”

Aposel 13:16

Deka Pol tito vri e kamudu isak deka wai langane. “Umu ka osep Israel ina e umu ka osep Israel ina kovok ka aitno lumu la ke Ida Tapolngon umoklingen lou pelengon.

Aposel 15:13

Tiwai yagos deka Jems wai langane. “Sipmi. Umoklingen lou pelengon.

Aposel 16:40

Pol e Sailas tisongon kalabus kodong e isak kla tipolou ke apmang Lidia ila ninu. E tigosok osep Kristen tiduni pulu ine e tiwai pelengon ke isak ka due aitno lisak dagar deka tisongon armok e isak kla.

Aposel 19:33

Deka osep Yuda ina tisodung gute Aleksander polou ke osep amtarsak e iye kamadu isak e waiki kar pelengon gesa ke isak.

Aposel 21:18

Oklou silang imogosok Pol imala imavati Jems. Ari osep ka tiplau Ida Tapolngon ila osep tidong kap Jems blang.

Aposel 21:40

Osep ola ina inarak plau-ngan ka mgo klingen Pol ila pelengon deka koli wai langane. “Ma amwai ke isak.” Deka Pol vri ke singen e kamudu osep ka tivri moli e isak keniye tiwai kovok deka iye wai ke isak ke pelengon Hibru langane.

Aposel 28:15

Alo ka imi dau imopolou ke Rom kovok sipmi leklou ka isak osep Kristen ka tidong ine tiklingen ke limem langan. E tisongon armok e time e imososon isak leklou ke bilmu Apius e imososon isak leklou blang ke omur ka tisire Ninu Kaulei Eklu. Pol vati osep Kristen ka tipolou ke imi deka aitno neser e iye wai itau ke Ida Tapolngon ine e iye arit iye ine.

1 Korin 15:7

Mase iye polou ke Jems e iye vati iye deka mase iye polou ke osep aposel keniye blang e tivati iye.

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.

Galesia 2:12

Alo ka Jems ila osua time dau kovok Pita ngen kap osep ka isak osep Yuda ina kovok. E alo ka osep tonari time deka Pita lim ke osep Kristen ka aitno lisak dau dagar ke elio ulangngan ina. Deka iye dong mawa ke osep ka isak osep Yuda ina kovok e dong kap isak kovok.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.