Aposel 11:26 - Aria New Testament

²⁶ Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 11:26 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Jon 2:2

E osep tiwai ke Yesus kap ila disaipel ma time ke gingen blang.

Aposel 1:15

Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 11:22

Ida Tapolngon ila osep ka tidong ke Jerusalem tiklingen omon ke elio ane deka tipagei Barnabas ma iye la ke Antiok.

Aposel 11:27

Alo ari osep napaprangan ina leklou tisongon Jerusalem e tiduru ke Antiok.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Aposel 14:20

Deka Yesus ila disaipel tiduni pulu lelei iye deka iye poga tito e la ke armok blang. Iye dong ine la lama oklou silang deka iye orwo Barnabas tisongon Listra e isak kla ke Derbe.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Aposel 14:28

Deka ari tidong dau tauni kap Yesus ila disaipel ka tidong ke Antiok.

Aposel 18:27

Mase Apolos waiki la ke provins Akaia deka osep Kristen tikar iye pelengon ka due aitno dong dagar. E tisogo pas gesa ka la ke Yesus ila disaipel ka isak osep Grik ina ka wai langane. “Osep umoklingen. Aitno lumu itau ke Apolos.” Deka ari Apolos songon Efesus e la polou ke provins Akaia. E ke omur ari Apolos duni pulu kap osep ka oglou Ida Tapolngon makai isak e aitno lisak la dagar ke Yesus e iye lua isak itau.

Aposel 19:9

Osep pula tiklingen Pol ila pelengon e osep leklou tiwai apok ke iye ke osep pula amtarsak. Tipono aitno lisak e tiwai soulu lokono ke elio oku ina ka Pol napapra ke isak. Pol vati urok elio soulu deka iye gosok Yesus ila disaipel tisongon osep tonari. E isak kla ke gute Tiranus ila ninu ka iye nasi osep ine. E ke oklou kene kene tiwai Ida Tapolngon ila pelengon ke osep ari.

Aposel 20:1

Osep ari tidardar kla yagos deka Pol gi Yesus ila disaipel ma time tiduni pulu kap iye. E iye kar pelengon itau ke isak ka due aitno lisak dagar. Iye wai ke isak yagos deka iye songon isak e la ke provins Masedonia.

Aposel 20:30

­E silang blang langane. Mase ma supmu leklou tipolou ka tibuli urok pelengon kap Ida Tapolngon ila pelengon e ma tikar pelengon yakngan ke umu. Kesua tiwaiki osep ka aitno lisak dagar ke Yesus tididi urok pelengon vala.

Aposel 21:4

E imekrim Yesus ila disaipel ke omur are e imapado isak e imodong kap isak oklou lumorwo. Ari Ano Itau due osep tonari aitno lisak deka tiwai dagar ke Pol langane. “Amla ompolou ke Jerusalem sakam.”

Aposel 26:28

Deka Agripa koli wai langane. “Aitno lugom lange? Aitno lugom mter langka amwai sasi boto e lem pelengon mter aitno lungong ma ngapolou gute Kristen koke aurou?”

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Aposel 6:5

Osep keniye tiklingen osep aposel urok pelengon deka aitno lisak itau ine. Deka tirere gute Stiven ka aitno dagar lokono ke Yesus e Ano Itau plau iye itau. E tirere Filip e Prokorus e Nikanor e Timon e Parmenas e Nikolas. Nikolas iye gute Grik ina ka ila armok batne Antiok ka oglou iye due osep Yuda ina inarak apu deka iye neklep ke isak.

Aposel 9:19

Tipaunim iye yagos deka iye ngen ina ngangon e ila arit polou ke iye blang. Alo ari oklou leklou Sol dong kap Yesus ila disaipel ka tidong ke Damaskus.

Aposel 9:38

Ari Yesus ila disaipel tiklingen Pita dong ke armok Lida ka dong olwo boto ke Jopa. Deka tipagei osep orwo ke Pita. Tipolou ke iye deka tiwai dagar langane. “Pita omsuong omo kap imi.”

1 Korin 11:18

Mgongon ngawaiki ma ngawai ke elio tonari. Ngaklingen pelengon langane. Alo ka umoduni pulu umadardar e umotuk opmu pulu ke umu tona. E aitno lungong mter langka pelengon tonari lokono e dau ngaile itau ine kovok.

1 Korin 12:12

Gute pampamu ine kene vala e ongwa ine pula. Gute ongwa ine pula e dau pampamu ine kene vala. E Krais blang dong langane.

1 Korin 14:23

Deka langka osep ka pula keniye tiduni pulu ke duningen e umu ka pula keniye umawai tokples bitna bitna ka osep tile ine kovok deka osep leklou ka aitno lisak dagar ke Yesus kovok tisep ma tiwai langane. “Umu manga manga.”

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

Efesus 3:15

Ngawai itau ke Ida Tapolngon ka Pmada lokono. Kesua ila osua keniye ka tidong ke omur heven e ka tidong ke taklak Pmarak lokono Ida Tapolngon. E iye kar isak angainsak.

Jems 2:7

E osep ka urok mani pula tiwai soulu ke Krais angaine. E ite Krais ila osep.

1 Pita 4:14

Langka osep tiwai soulu ke umu batne umu Krais ila osep aitno lumu itau itau ine. Kesua elio ane nis ite Ida Tapolngon Ano Itau ka itau lokono dong kap umu.

1 Pita 4:16

Langka osep tidue agegeng ke umu batne umu osep Kristen umu mnak umu ine kovok. E umakakai Ida Tapolngon angaine tito la egim ke elio ka umu osep Kristen.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

Pelengon kukwopngon 3:18

Deka ngawaiki ngakar pelengon ane ke umu. Lou gol ka eiou ngene ma wan sasi dong ine kovok dong. Are itau ma umekli gol tonari ke ngong deka lumu mani pula dong. E are itau ma umekli klos okou ka kading tarna lumu. Deka osep ma tikaranga tivati umu albus umu kovok e umu mnak umu ine kovok. E itau ma umekli marasin ka umodue sep ke omtomu ma umakaranga umavati omur itau.