Aposel 11:23 - Aria New Testament

²³ Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 11:23 ပူးပေါင်းရင်းမြစ်များ

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Mak 2:5

Yesus vati osep tonari tidue elio langane deka ile aitno lisak dagar ma iye lua gute tonari. Deka iye wai ke gute ka kamla e limla timete langane. “Erigu ngasak lem elio epmes ina noklok la.”

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Aposel 13:43

Deka osep tisongon duningen ina ninu e tidardar kla. E osep Yuda ina pula tigosok osep ka tididi osep Yuda ina inarak apu tididi Pol orwo Barnabas. E tikar pelengon dagar ke osep tonari ma aitno lisak dong dagar ke Ida Tapolngon ila makaingan.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 14:26

Mase tidue sip e tisongon Atalia e isak kla tipolou ke Antiok. Oglou alo ka isak dau tidong ke Antiok ari Ida Tapolngon rere isak ma tiboko ke ila bokongon. Ari osep Kristen tipmi Ida Tapol-ngon ma iye lua isak ke urok bokongon ka oku ane tidue kodong.

Aposel 15:40

E Pol rere Sailas ma isak orwo kla. Deka sisrok ari tiwai ke isak langane. “Ida Puda ila makaingan dong kap umu.” Deka tisongon armok e kla.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 1:17

Aitno lumu lange? Lou pelengon segesege alo ka ngalalo lou langan i? Koke ngadidi aitno lungong vala e ngalalo lou langan? Koke lou pelengon segesege langka aling kene ngawai “Ee” deka suong ngawai “Aurou”?

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

3 Jon 1:4

Kesua alo ka ngaklingen omon ke osep ka isak langka dirgu tididi pelengon lokono ka kene vala deka aitno lungong neser omba ine. E wan gesa due aitno lungong neser ka mole wan tonari kovok.

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.