Aposel 11:20 - Aria New Testament

²⁰ E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 11:20 ပူးပေါင်းရင်းမြစ်များ

Matyu 27:32

Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.

Jon 7:35

Deka osep kaunsil ina tiwai pulu langane. “Gute ane waiki la ke omur ge ma itakaranga itapado iye kovok? Ma iye la ke udo osua ka tidong ke omur Grik e parere osep Grik ina?

Aposel 11:19

Alo ari osep tidue burwa ke Stiven kodong e tidue agegeng pula ke osep ka aitno lisak dagar ke Yesus blang. Deka ke batne langane osep ka aitno lisak dagar ke Yesus tidardar kla ke omur Fonisia e aidunu Saiprus e armok Antiok. Alo ari tinapapra Yesus ila omon itau ke osep Yuda ina vala. E tinapapra kovok ke osep ka isak osep Yuda ina kovok.

Aposel 11:22

Ida Tapolngon ila osep ka tidong ke Jerusalem tiklingen omon ke elio ane deka tipagei Barnabas ma iye la ke Antiok.

Aposel 11:26

Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 11:27

Alo ari osep napaprangan ina leklou tisongon Jerusalem e tiduru ke Antiok.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 14:26

Mase tidue sip e tisongon Atalia e isak kla tipolou ke Antiok. Oglou alo ka isak dau tidong ke Antiok ari Ida Tapolngon rere isak ma tiboko ke ila bokongon. Ari osep Kristen tipmi Ida Tapol-ngon ma iye lua isak ke urok bokongon ka oku ane tidue kodong.

Aposel 15:22

Jems wai yagos deka osep aposel e osep ka tiplau Ida Tapolngon ila osep e Ida Tapolngon ila osep ka tidong ke duningen ari aitno lisak itau ke Jems ila pelengon. Deka tirere sisrok orwo ma tigosok Pol e Barnabas isak kla ke Antiok. Tipagei Judas ka angaine silang Barsabas e Sailas ma tigosok Pol orwo Barnabas isak kla. Ari isak orwo tonari timgo ke Ida Tapolngon ila osep e osep pula tidue anit ke isak.

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 15:30

Ida Tapolngon ila osep tipagei Pol e Barnabas tigosok sisrok e tisongon Jerusalem e tibauluk kla ke Antiok. Tipolou ine deka tiduni pulu kap Ida Tapolngon ila osep e tikar isak pas ka tikalke.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 18:22

Mase sip tonari polou ke armok Sisaria e dong. E Pol songon sip e iye tito la ke Jerusalem e polou ke Ida Tapolngon ila osep e wai “oklou itau” ke isak. Mase iye songon Jerusalem e la duru polou ke Antiok.

Aposel 2:10

E imi leklou osep Frigia ina e osep Pamfilia ina e osep Isip ina e osep Libia ina ka imodong olwo boto ke armok Sairini e osep Rom ina. Imi ane osep Yuda ina e osep leklou ane isak tididi limem apu deka tipolou langka osep Yuda ina blang.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Aposel 5:42

Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Aposel 6:5

Osep keniye tiklingen osep aposel urok pelengon deka aitno lisak itau ine. Deka tirere gute Stiven ka aitno dagar lokono ke Yesus e Ano Itau plau iye itau. E tirere Filip e Prokorus e Nikanor e Timon e Parmenas e Nikolas. Nikolas iye gute Grik ina ka ila armok batne Antiok ka oglou iye due osep Yuda ina inarak apu deka iye neklep ke isak.

Aposel 6:9

Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

Aposel 8:35

Iye wai langane deka Filip nogrum ke pelengon tonari mgo deka palongo ila ke Yesus ila omon itau.

Aposel 8:5

Alo ari Filip songon Jerusalem deka la duru ke armok kene ina ke omur Samaria. Iye polou ine e napapra Yesus ka Krais ina basikngen ke osep ari.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Aposel 9:29

Iye wai pula e kot pelengon pulu kap osep Yuda ina ka tiwai pelengon Grik. Deka aitno lisak engil ke iye e tiwaiki tidue burwa ke iye.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

Galesia 2:11

Mase Pita me ke armok Antiok e ngawai osuk ke bitna kesua iye due elio ka itau kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.