Aposel 10:43 - Aria New Testament

⁴³ Oglou osep napaprangan ina keniye tiwai ine langane. ‘Osep ka pula keniye ka aitno lisak dagar ke iye ma iye due urok elio epmes ina noklok la batne ke iye tona.’”

Aposel 10:43 ပူးပေါင်းရင်းမြစ်များ

Mak 16:16

Deka osep seisei ka aitno lisak dagar ine e tididi elio paunimngen ina ma ngalua isak ke urok elio epmes ina. E osep seisei ka aitno lisak la dagar ke ngong kovok ma Ida Tapolngon kot isak ine ke omur hel.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 1:45

Deka Filip la pado gute Nataniel e wai langane. “Imapado gute ka Moses sogo ine ke ila sogongon e osep napaprangan ina tisogo ine ke urok sogongon blang. Iye Yesus ka Josep otno arang e iye me ke Nasaret.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Aposel 26:22

Oglou me iding ke eknikane Ida Tapolngon lua ngong e ngadong itau. Deka ngapolou ngavri ane ke umu ka angainmu omba e umu ka angainmu daudeng boto omtomu e ngapalongo lumu ine. Eknikane ngawai ke elio ka oglou kodong osep napaprangan ina e Moses tiwai ma polou.

Aposel 3:16

Eknikane umavati e umeile gute ane. E Yesus ka aitno limi dagar lokono ke iye ila arit due gute ane kamla polou itau blang. Aitno la dagar ke Yesus e ila arit vala due gute ane kamla polou itau blang langka umakaranga umavati.”

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.

Pas ka Pol sogoe uti la ke osep Rom ina 10:11

Ida Tapolngon ila pelengon wai osep keniye ka aitno lisak dagar ke Inarak Luangan Yesus ma isak mnak isak ine kovok.

Pas ka Pol sogoe uti la ke osep Rom ina 3:21

E eknikane Ida Tapolngon nis itosep malak ke elio ka iye due ite itopolou itau e osuk ke bitna. Moses ila sogongon karanga due osep ma tipolou itau e osuk ke Ida Tapolngon bitna kovok. E elio ka osep tipolou itau e osuk ke Ida Tapolngon bitna didi pelengon silang blang ka oglou Moses e osep napaprangan ina tisogo ine.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Kolosi 1:14

Ida Tapolngon Otno Arang kli ite ke udo elio epmes ina e klok udo elio epmes ina la.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”