Aposel 10:41 - Aria New Testament

⁴¹ Iye polou ke osep ka pula keniye amtarsak kovok. Aurou. Iye polou ke imi ka Ida Tapolngon rere imi kodong emtemi ma imavati. Iye dong kap imi deka imangen ngangon e imeinim aki kap iye.

Aposel 10:41 ပူးပေါင်းရင်းမြစ်များ

Luk 24:30

Alo ka tidong ke bota e tiwaiki tingen Yesus due bret gesa e wai tenkyu ke Ida Tapolngon ine e tuktuke e kare ke isak.

Luk 24:48

E ma umapalongo osep urok ke wan ka umavati.

Jon 14:17

Luangan tonari Ida Tapolngon Ano Itau ka wai pelengon lokono vala. E osep taklak ina tikaranga tidue kovok kesua tivati iye kovok e tile iye kovok. E umeile iye kesua iye dong kap umu e ma iye dong ke aitno lumu blang.”

Jon 14:19

Isuk boto dau e osep ke taklak ma tivati ngong blang kovok. E ma umavati ngong. Ngadong ke mosongon e ke batne ane umu blang ma umodong ke mosongon.

Jon 14:22

Deka Judas ka Judas silang e Judas Iskariot kovok pmi Yesus langane. “Ina lange ma emnis wom malak ke imi vala e ke osep ka pula keniye kovok?”

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 15:27

E umu blang ma umapalongo osep ke ngong kesua umodong kap ngong alo ka nganogrum lou bokongon e lila me ke oku ane.”

Jon 21:13

E Yesus me e due bret tonari e kare ke isak e due langane ke lodu blang.

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:4

Alo ka iye dau dong kap ila aposel oklou gesa tiduni pulu e iye wai ke isak langane. “Oku ane umosongon armok Jerusalem ko-vok. Umodong itau ine e umapara ke Pmada ila promis ka oglou ngapalongo lumu ine. Deka eknik-ane umodong ke Jerusalem e umapara ke Ano Itau.

Aposel 10:39

Imavati ila elio keniye ka iye due ke osep Yuda ina urok omur e ke Jerusalem. Tidue burwa ke iye deka iye mana ke ina akai deka mete.

Aposel 13:31

Iye poga tito deka ke oklou pula iye polou ke osep leklou ka oglou isak tigosok Yesus tisongon omur Galili deka isak kla ke Jerusalem. E oku ane itapalongo osep Israel ina ine.”