Aposel 10:38 - Aria New Testament

³⁸ Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 10:38 ပူးပေါင်းရင်းမြစ်များ

Matyu 12:15

Yesus ile wan ka osep Farisi ina tiwaiki tidue deka iye songon omur are e osep pula pula tididi iye. E iye due osep ka tipaia tipolou itau blang.

Matyu 12:28

E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Matyu 9:19

E Yesus gosok ila disaipel titito kla kap gute tonari.

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Mak 6:6

Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Luk 3:22

E Ano Itau langka belis duru dong ke Yesus e kreine wai ke omur heven langane. “Wom erigu arang ka ngong lana ngong ke wom e aitno lungong itau lokono ke wom.”

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Luk 9:42

E alo ka tipaur iye ke Yesus angelo soulu uri iye ke taklak e iye nakarkar omba. E Yesus wai dagar ke angelo soulu ma iye songon mimi la deka Yesus due polou itau blang e kar iye iding ke timla.

Luk 9:56

Deka isak kla ke armok silang.

Jon 10:32

E Yesus wai ke isak langane. “Ngadidi Livou ila arit e ngadue elio arit ina pula ke omtomu. E oku ane umawaiki umouri opmu ke ngong batne ke elio arit ina lange?”

Jon 16:32

Umo-klingen. Taim ka umadardar e umala ke umu kenmu kenmu lumu ninu ma me e lokono polou kodong. Ma umosongon ngong e dau ngadong kenngong vala kovok. Aurou. Livou dong kap ngong.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Jon 6:27

Umoboko ma umodue ngangon ka karanga polou okus kovok. E umoboko ma umodue ngangon ka dong vala dong ka ngong ka Gute Ka Polou Langka Osep ma ngakare ke umu. Kesua Ida Tapolngon ka Pmada nis osep aitno itau ke ngong.”

Aposel 10:37

Mgo Jon nogrum napapra ke elio paunimngen ina ke omur Galili. Deka mase ila pelengon la ke omur Judia keniye e umeile ine.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.

Hibru 1:9

Aitno lugom itau ke elio itau ka osep tidue e aitno lugom engil ke elio soulu ka osep tidue. E ke batne langane ngarere wom ma ommole supmu keniye deka aitno lugom neser ine.”

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.