Aposel 10:36 - Aria New Testament

³⁶ Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 10:36 ပူးပေါင်းရင်းမြစ်များ

Matyu 10:6

Umala ke osep Israel ina ka isak langka sipsip ka timina kodong vala.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Aposel 10:37

Mgo Jon nogrum napapra ke elio paunimngen ina ke omur Galili. Deka mase ila pelengon la ke omur Judia keniye e umeile ine.

Aposel 11:19

Alo ari osep tidue burwa ke Stiven kodong e tidue agegeng pula ke osep ka aitno lisak dagar ke Yesus blang. Deka ke batne langane osep ka aitno lisak dagar ke Yesus tidardar kla ke omur Fonisia e aidunu Saiprus e armok Antiok. Alo ari tinapapra Yesus ila omon itau ke osep Yuda ina vala. E tinapapra kovok ke osep ka isak osep Yuda ina kovok.

Aposel 13:32

“Eknikane imawai ke umu ke omon itau ka la ke Ida Tapolngon ila promis ke oglou iye wai ke udo seia. Deka ke ite ka urok napakngan eknikane ila promis tonari polou lokono. Iye due Yesus poga tito ke ina denga eriar langka oglou ila pelengon ka dong ke Buk Song sapta orwo wai ine. Pelengon tonari wai langane. ‘Eknikane wom tona erigu wom e abo ngong.’”

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Pas ka Pol sogoe uti la ke osep Rom ina 14:9

E oglou Krais blang mete deka poga tito ke ina denga. E eknikane iye dong langka osep ka pula keniye ka timete kodong Inarak Puda e osep ka tidong dau Inarak Puda blang.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

1 Korin 15:27

Ida Tapolngon ila pelengon wai langane. “Ida Tapolngon due Krais ma iye mole wan ka pula keniye e plau wan ka pula keniye.” Pelengon ane wai langane e dau iteile pelengon tonari lana ine langka Krais ma mgo ke Ida Tapolngon kovok. Aurou. Ida Tapolngon rere Krais ma iye mole wan ka pula keniye e Ida Tapolngon vala mgo ke Krais.

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

Filipai 2:11

E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

Kolosi 1:20

E Ida Tapolngon Otno Arang due wan ka pula keniye ma tigosok iye tidong aitno lisak kene pulu. Wan ka taklak ina e wan ka omur heven ina. Deka iye songon Krais iye mete ke ina akai e ina marau baser. Ke elio tonari Ida Tapolngon due osep ka pula keniye tidong aitno lisak epen pulu kap iye.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 13:20

Ida Puda Yesus plau ite itau langka gute ka plau sipsip plau isak itau. Yesus ina marau due Ida Tapolngon ila kontrak oku ina ka dong vala dong polou lokono. E Ida Tapolngon ka due aitno lite dong epen due Yesus poga tito ke ina denga.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.

Pelengon kukwopngon 17:14

E ma tidue evlei ke Sipsip Otno deka Sipsip Otno kap ila osep ma timole isak. Timole isak kesua Sipsip Otno iye Ida Puda ka mole puda ka pula keniye e iye gute ka vri mgo ke omur ka mole osep ka pula keniye ka tivri mgo ke omur omur. E osep ka tididi iye isak osep ka Ida Tapolngon gi isak e rere isak ma aitno lisak dong dagar ke iye.

Pelengon kukwopngon 19:16

E ngavati sogongon dong ke ila molo ka alang e ke eser ine. Sogongon tonari angaine silang ka langane. Gute Ka Vri Mgo Ka Plau Osep Ka Pula Keniye Ka Tivri Mgo Ke Omur Omur e Ida Puda Ka Plau Osep Inarak Puda Ka Pula Keniye.