Aposel 10:34 - Aria New Testament

³⁴ Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Aposel 10:34 ပူးပေါင်းရင်းမြစ်များ

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 5:2

E iye nogrum parere isak langane.

Luk 20:21

E osep tonari tiwai langane. “Gute parerengen ina imeile amwai pelengon lokono e amparere osep ke pelengon lokono e amwai pelengon kene vala ke osep lama angainsak omba koke angainsak omba kovok. E amparere Ida Tapolngon ila elio ka didi pelengon lokono.

Aposel 10:33

Ngaklingen pelengon ka nga-palongo lem ine yagos deka lokono ngapagei osep tiuti ke wom ma tipaur wom omo ane ma omlua imi. Deka omdue elio itau ke imi e omo ane. E imodong ane ke Ida Tapolngon bitna kesua imawaiki imeklingen pelengon keniye ka Ida Puda palongo lem ine.”

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 8:35

Iye wai langane deka Filip nogrum ke pelengon tonari mgo deka palongo ila ke Yesus ila omon itau.

Pas ka Pol sogoe uti la ke osep Rom ina 2:11

Kesua ma Ida Tapolngon wade osep ka pula keniye eriar vala. Ma iye due elio silang ine kovok.

Pas ka Pol sogoe uti la ke osep Rom ina 3:29

Aitno lumu lange? Ida Tapolngon iye osep Yuda ina vala Inarak Tapolngon? E osep ka isak osep Yuda ina kovok iye Inarak Tapolngon kovok? Aurou. Ida Tapolngon iye osep ka pula keniye Inarak Tapolngon.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Efesus 6:9

Umu ka osep leklou inarak plaungan umodue elio itau ke osep ka tidue lumu bokongon eriar langka tidue elio itau ke umu. Umeiluk isak soulu sakam lama tilim ke umu. Kesua umu ka osep leklou inarak plaungan e umu ka umodue upu gute ila bokongon Upu Puda ka dong ke omur heven iye kene. E iye didi elio kene deka wade osep keniye urok elio ine.

Kolosi 3:11

Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

Kolosi 3:25

E osep ka tidue elio soulu ma Ida Tapolngon koli batne ke isak. Ma iye didi ila elio itau ka kene vala deka wade osep ka pula keniye ine.

Jems 2:1

Sipmi. Ngawai ke umu lang-ane. Aitno lite dagar ke Ida Puda Yesus Krais. Iye Ida Puda ka plau wan itau lokono ka omur heven ina. Deka itodue elio kene vala ke osep ka pula keniye. Itodue elio kene ke osep leklou e elio silang ke osep leklou blang kovok. Aurou.

Jems 2:4

Deka lange? Langka umodue elio langane ane langka umawade osep urok mosongon ke aitno lumu vala e umopolou osep ka aitno lumu mter soulu.

Jems 2:9

E langka umodue elio kene ke osep leklou e umodue elio silang ke osep leklou blang deka umodue elio epmes ina. E umadar Ida Tapolngon ila pelengon dagar kodong.

1 Pita 1:17

Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.