Aposel 10:28 - Aria New Testament

²⁸ Pita vati isak yagos deka wai langane. “Osep umeile omur langka imi osep Yuda ina imeneklep ke osep ka isak osep Yuda ina kovok imadar limem pelengon dagar. E eknikane Ida Tapolngon due aitno lungong deka ngaile omur langane. Eknikane Ida Tapolngon waiki ngasir umu ka osep Yuda ina kovok osep soulu kovok.

Aposel 10:28 ပူးပေါင်းရင်းမြစ်များ

Mak 7:2

Deka tivati Yesus ila disaipel tingen inarak ngangon e tigrong limsak mgo kovok. E langka osep Yuda ina tigrong limsak mgo kovok alo ka tiwaiki tingen inarak ngangon osep tiwai limsak mali.

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Jon 18:28

Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok.

Jon 4:27

Alo ari Yesus ila disaipel tiding e tidigrik alo ka tivati Yesus dong e wai ke apmang. E gute kene ke isak pmi apmang langane kovok. “Amwaiki omdue wansua?” Koke tipmi Yesus langane kovok. “Ina lange amwai ke apmang are?”

Jon 4:9

Deka apmang Samaria ina wai ke iye langane. “Wom gute Yuda ina e ngong apmang Samaria ina deka ina lange empmi ngong ma ngakar aki gesa ke wom?” Iye wai langane kesua osep Yuda ina e osep Samaria ina tidue wan kene pulu kovok.

Aposel 10:29

Deka eknikane ma ngapul dogur ke umu kovok. Ngaklingen lumu pelengon deka ngame ke omtomu vala. Deka ngapmi umu langane. Ina lange umegi ngong e umawaiki ngame ke umu?”

Aposel 11:9

Ngawai langane deka ngaklingen Ida Tapolngon wai ke ngong ke omur ka egim aling orwo ina langane. ‘Eriar langka Ngap Tapolngon wai wan ka amvati ane ngangon itau deka emsire ngangon soulu kovok.’