Aposel 10:22 - Aria New Testament

²² Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 10:22 ပူးပေါင်းရင်းမြစ်များ

Matyu 1:19

Deka alo ka Josep ka iye gute itau klingen ine iye waiki due Maria mnak iye ke elio tonari kovok. Aurou. Iye waiki dar urok gingen ma osep tiklingen ine kovok.

Matyu 2:12

Mase timunu kudung e timunu ansak. Timunu ansak e Ida Tapolngon nis isak ma tiding ke Herot kovok. Alo ka titipa tisongon omur are e tiding ke urok omur ke ekreng silang.

Mak 6:20

Kesua gute Herot due anit ke Jon e iye ile Jon iye gute ka dong itau e osuk ke Ida Tapolngon bitna e ila elio isuk isuk keniye itau vala. Deka iye plau Jon itau lama elio soulu polou ke iye. Alo ka gute Herot klingen Jon ila pelengon aitno mter pula ine. E dau iye waiki klingen Jon ila pelengon.

Mak 8:38

Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Luk 2:25

Alo ari gute dong ke Jeru-salem ka angaine Simeon ka dong itau e osuk ke Ida Tapolngon bitna e iye lotuim Ida Tapolngon. E Ano Itau dong ke iye e iye dong para ke alo ka gute ka Ida Tapolngon rere ma iye due elio ka opru osep Israel ina isak yagos iye polou.

Luk 23:50

E ari gute kene dong ka angaine Josep. Iye me ke armok Arimatea ka dong ke omur Judia. E iye gute kaunsil ina ka ila elio itau e osuk.

Luk 9:26

Langka gute mnak iye ke ngong koke lou pelengon ma ngong ka Gute Ka Polou Langka Osep mnak ngong ke iye alo ka ngaiding ngame ke lou bublongon e ke Livou ila bublonon kap ila ensel ka itau lokono.

Jon 13:20

Ngawai lokono ke umu langane. Langka osep aitno lisak itau ke osep ka ngapagei isak deka aitno lisak itau ke ngong blang. E langka aitno lisak itau ke ngong deka aitno lisak itau ke Ida Tapolngon ka pagei ngong ngame blang.”

Jon 17:20

“E ngawai itau ke wom ke lou osep vala kovok. Aurou. Ngawai itau ke osep ka aitno lisak ma la dagar ke ngong batne ke urok pelengon blang.

Jon 17:8

Kesua ngakar isak pelengon ka amkare ke ngong e aitno lisak la dagar ine e tile lokono langane. Oglou ngadong kap wom e ngame. E aitno lisak dagar langane. Ampagei ngong ngame ke taklak ane.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Jon 6:68

E Saimon Pita koli wai langane. “Ipem Puda ma imala imedidi gute sei silang? Kesua wom vala gute ka amwai pelengon ka due osep tidue mosongon ka dong vala dong.

Aposel 10:2

Gute Kornilius ila elio langane. Iye gosok osep ka tidong ke ila ninu aitno lisak la ke Ida Tapolngon e tidue anit ke iye. Silang iye tuk ila mani leklou e kare ke osep ka urok wan isuk boto vala e tidue batne kovok. E silang blang oklou aling aling iye wai itau ke Ida Tapolngon.

Aposel 10:21

Pita klingen Ano Itau ila pelengon yagos deka tito e duru la polou ke isak eklu amtarsak deka wai langane. “Osep. Ngong gute ka umekrim ke iye. Umomo ane batne lange?”

Aposel 10:30

Deka Kornilius wai langane. “Oglou oklou apanal la yagos ari ngadong ke lou ninu. Ari 3 kilok ke kirui e ngawai itau ke Ida Tapolngon. Deka gute gesa polou ke omtongu ka ila klos bublo omba.

Aposel 10:33

Ngaklingen pelengon ka nga-palongo lem ine yagos deka lokono ngapagei osep tiuti ke wom ma tipaur wom omo ane ma omlua imi. Deka omdue elio itau ke imi e omo ane. E imodong ane ke Ida Tapolngon bitna kesua imawaiki imeklingen pelengon keniye ka Ida Puda palongo lem ine.”

Aposel 10:6

Iye dong kap gute silang ka angaine Saimon blang ka boko e due wan ke bulmakau tarna lisak ka tisisie ke bulmakau ka timke isak timete kodong. Ila ninu dong olwo boto ke misuon.”

Aposel 11:14

Ma iye kar pelengon ke wom ka lua wom ke lem elio epmes ina e lua osep keniye ka tidong ke lem ninu blang.”’

Aposel 22:12

“Ngadong ke Damaskus deka gute Ananaias me polou ke ngong. Iye gute gesa ka didi Moses ila sogongon keniye e osep Yuda ina pula ka tidong ke armok tonari aitno lisak itau ke iye.

Aposel 24:15

Eknikane aitno lungong dagar e ngapara ma mase Ida Tapolngon due osep keniye ka timete kodong tipoga titito ke inarak denga. Ma iye due elio langane ke osep ka itau e ke osep ka soulu. Osep ka tisin elio vri ke ngong aitno lisak dagar langane blang.

Aposel 6:3

Ma umerere sudo arang lumorwo ma tiplau bokongon ane. Umerere osep ka osep leklou tiwai urok elio isuk isuk itau e Ano Itau plau isak e tile omur itau. Deka ma imakar bokongon tonari ke isak.

Pas ka Pol sogoe uti la ke osep Rom ina 1:17

Ida Tapolngon ila omon itau nis ite ke elio ka Ida Tapolngon due ite itopolou itau e osuk ke bitna. Eriar langka aitno lite dagar ine ma Ida Tapolngon sir ite ila osep itau lokono. Deka udo mosongon ka itau lokono dong vala dong. Oglou osep napaprangan ina tisogo Ida Tapolngon ila pelengon langane. “Osep seisei ka aitno lisak dagar ke Ida Tapolngon ma iye lua isak ma tipolou itau e osuk ke bitna.”

2 Korin 5:18

Wan bitna bitna tonari polou ke Ida Tapolngon. Oglou ite Ida Tapolngon ina oul ite deka ke Krais iye due aitno lite tipolou kene kap iye. Aitno lite kene kap iye deka iye kar bokongon ke ite ka itoboko e itodue osep leklou aitno lisak kene kap iye blang.

1 Timoti 3:7

Langka osep ka tidong ke dogur aitno lisak itau ke gute gesa iye karanga polou plaungan gesa. E langka gute dong langane kovok ane langka iye sin ke Satan ila omdu e ina mnakngan omba.

Hibru 10:38

E lou osep ka tididi aitno lungong ma aitno lisak ila dagar due isak tidong itau. E langka tipul dogur ke ngong deka aitno lungong itau ke isak kovok.”

Hibru 11:2

Osep ka tidong oglou aitno lisak dagar langane deka Ida Tapolngon aitno itau ke isak ine.

Hibru 12:23

E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

3 Jon 1:12

Osep pula tiwai gute Demitrius iye gute ka due elio itau vala e iye didi Ida Tapolngon ila pelengon ka lokono. Imi blang imawai iye gute itau. E umeile limem pelengon lokono vala.

Pelengon kukwopngon 14:10

Deka ma tinim aki dagar ka lana ine la ke Ida Tapolngon aitno ila engil. Ida Tapolngon baser aki dagar tonari ke kap ka aitno ila engil dong ine. E tibuli aki ine kovok. Deka ke Ida Tapolngon ila ensel amtarsak e ke Sipsip Otno bitna osep tonari ma tinamani omba ke eiou e opmu salfa ka eiou ngene.