Aposel 1:15 - Aria New Testament

¹⁵ Alo ari Pita vri airavu ke osep ka tiduni pulu ke ninu tonari. Osep tonari inarak sasa langka 120.

Aposel 1:15 ပူးပေါင်းရင်းမြစ်များ

Matyu 13:31

E Yesus wai pelengon ano silang langane. “Omur ka Ida Tapolngon plaue langka mastet londo ka gute la ser isak ke ila yage.

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Jon 14:12

“Ngawai lokono ke umu langane. Gute ka aitno dagar ke ngong ma due elio arit ina langka ngadue e silang blang ma iye due elio bitna bitna ka mole elio ka ngadue kesua ngala ngadong kap Livou.

Jon 21:23

Mase omon ke Yesus ila pelengon ane kes lila ke osep ka tididi Yesus. E aitno lisak mter langka disaipel are ma mete kovok. E dau Yesus wai langare kovok. Aurou. Iye wai langane vala. “Langka ngawaiki iye dong la lama ngaiding ngame are wan gesa kovok ke wom.”

Aposel 10:23

Pita klingen urok pelengon deka wai langane. “Umesep ke ninu ane e ma ngakere umu kesua kirui kodong.” Deka tisep ke ninu e tidong ine la lama kotkotu lokono deka isak keniye tinogrum Jopa e isak kla. Pita gosok osep leklou ka iye sipmi ka osep Jopa ina tigosok kla.

Aposel 11:1

Osep aposel e osep ka aitno lisak dagar ke Yesus ka tidong ke omur Judia tiklingen omon osep ka isak osep Yuda ina kovok aitno lisak la dagar ke Ida Tapolngon ila pelengon.

Aposel 11:12

Deka Ano Itau wai ke ngong langane. ‘Wom amla kap isak e aitno lugom orwo ine sakam.’ Alo ari sipmi lumakene ane tigosok ngong deka imala imopolou ke Kornilius deka imesep ke ila ninu.

Aposel 11:26

Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Aposel 12:17

Pita kamudu isak ma tiwai kovok deka palongo urok ke elio ka Ida Puda lua iye ma iye songon kalabus. Deka Pita wai langane. “Umapalongo Jems gosok sudo ke elio ane blang.” Iye wai yagos deka songon ninu e la dong ke omur silang.

Aposel 14:2

E osep Yuda ina ka aitno lisak dagar kovok tisruk osep leklou ka isak osep Yuda ina kovok aitno lisak deka aitno lisak soulu ke Ida Tapolngon ila osep.

Aposel 15:1

Ari osep leklou ka tidong ke omur Judia time ke Antiok e tiparere osep ka aitno lisak dagar ke Yesus langane. “Langka umedidi elio ulangngan ina ka oglou Moses kare ke imi osep Yuda ina kovok Ida Tapolngon karanga lua umu ke lumu elio epmes ina kovok.”

Aposel 15:3

Ida Tapolngon ila osep ka tidong ke Antiok tipagei osep tonari kla ke Jerusalem. E tisongon Antiok e tididi ekreng e tilila ke omur Fonisia e omur Samaria. Ari tipalongo osep ka tidong ke omur orwo tonari ke elio ka osep ka isak osep Yuda ina kovok tipul dogur ke urok elio epmes ina e aitno lisak la dagar ke Ida Tapolngon. Osep ka aitno lisak dagar ke Yesus kodong tiklingen ine e aitno lisak neser ine.

Aposel 16:40

Pol e Sailas tisongon kalabus kodong e isak kla tipolou ke apmang Lidia ila ninu. E tigosok osep Kristen tiduni pulu ine e tiwai pelengon ke isak ka due aitno lisak dagar deka tisongon armok e isak kla.

Aposel 17:10

Epmes polou deka lokono osep ka Pol orwo Sailas sisrok tipagei isak kla ke armok Beria. Tipolou ine kodong deka isak kla ke osep Yuda ina urok duningen ina ninu e tisepe.

Aposel 17:14

Deka lokono osep Kristen tipagei Pol duru ke misuon. E Sailas orwo Timoti isak dau tidong ke Beria.

Aposel 17:6

Tikrim ke isak e tipado isak kovok e tikis Jeson gosok osep Kristen leklou dagar e tidadai isak kla tipolou ke osep ka tiplau armok amtarsak. Deka tidaiku omba langane. “Osep ka tidue elio soulu polou ke omur ka pula keniye time ke limem armok ane blang.

Aposel 18:18

Pol dau dong ke Korin oklou pula e mase iye waiki songon sisrok ka osep Kristen e la sep ke sip gesa ka la ke provins Siria. Alo ari gute Akwila orwo esna Prisila isak kla kap iye. Tipolou ke armok Senkria mgo e ari Pol waiki didi osep Yuda ina inarak apu gesa deka gute gesa blou Pol apna elilo keniye la kesua elio ane nisngen iye wai dagar ke Ida Tapolngon ke elio gesa kodong.

Aposel 18:27

Mase Apolos waiki la ke provins Akaia deka osep Kristen tikar iye pelengon ka due aitno dong dagar. E tisogo pas gesa ka la ke Yesus ila disaipel ka isak osep Grik ina ka wai langane. “Osep umoklingen. Aitno lumu itau ke Apolos.” Deka ari Apolos songon Efesus e la polou ke provins Akaia. E ke omur ari Apolos duni pulu kap osep ka oglou Ida Tapolngon makai isak e aitno lisak la dagar ke Yesus e iye lua isak itau.

Aposel 21:17

Mase imala imopolou ke Jerusalem e sipmi ari aitno lisak itau ke imi.

Aposel 21:20

Osep tonari tiklingen Pol ila pelengon e tikakai Ida Tapolngon angaine tito la egim ine deka tiwai ke Pol langane. “Limem aten osep Yuda ina pula pula aitno lisak la dagar ke Yesus kodong. E silang blang langane. Osep tonari aitno lisak dau dagar lokono ma tididi Moses ila sogongon.

Aposel 21:7

Imosongon Tair e imala la lama imopolou ke armok Tolemes. E imopolou ke sipmi ka Kristen ka tidong ke armok tonari e imawai “oklou itau” ke isak. E imodong kap isak ke oklou kene vala.

Aposel 22:5

Alo ari gute loulou ina ka mgo e osep kaunsil ina tile omur ke lou elio langare. E tisogo pas gesa e tikare ke ngong ma ngakalke la ke sudo ka tidong ke Damaskus. Ari ngakalke pas ka tisogoe e ngala ke Damaskus kesua ngawaiki ngakis osep ka tididi elio oku ina dagar ma time ke Jerusalem e osep tiules isak.”

Aposel 28:14

Imodong ke armok tonari e imopolou ke sipmi ka isak osep Kristen. E tiwai ke imi langane. “Umodong kap imi iding ke wik kene.” Tiwai langane deka imodong kap isak wik kene. Mase imosongon isak e imedidi ekreng e imala ke Rom.

1 Korin 15:6

Mase iye polou ke sisrok blang ma tivati iye ka inarak sasa langka 500. Osep tonari pula dau tidong e osep leklou timete kodong.

Pelengon kukwopngon 11:13

Deka alo ari lokono orgi ombatno polou. Langka tiwade armok tonari ke omur songotno deka orgi due agegeng ke omur kene e ninu keniye ke omur ari tinobong tiduru. E osep ka inarak sasa 7,000 timete ine deka osep armok ina leklou aitno lisak nesik e tikakai Ida Tapolngon ka dong ke omur heven angaine tito la egim.

Pelengon kukwopngon 3:4

E osep awal boto ka tidong ke Sardis tidong itau e tidue elio epmes ina kovok. Osep tonari urok elio itau e ma titnei klos ka okou lokono e ma tilila kap ngong.’”