3 Jon 1:2 - Aria New Testament

² Ate. Ngong lana ngong ke wom e ngawai itau ke Ida Tapol-ngon ma wan ka pula keniye tipolou itau ke wom e ma pampamu lugom dong itau blang. E ngaile lem mosongon e aitno lugom tidong itau kodong.

3 Jon 1:2 ပူးပေါင်းရင်းမြစ်များ

Matyu 9:12

E Yesus klingen urok pmingen e koli wai ke isak langane. “Osep ka tarna lisak itau kla ke dokta kovok e osep ka tarna lisak sasi isak kla ke dokta.

Filipai 2:27

E lokono iye paia omba e isuk boto iye mete kodong ine. E Ida Tapolngon aitno due iye e due polou itau blang e silang Ida Tapolngon makai ngong blang lama iye mete kodong deka aitno lungong kro lokono ine.

Filipai 2:4

E aitno lumu mter ke wan ka lua umu tona vala kovok. Aurou. Aitno lumu mter ke wan ka lua osep leklou blang.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Tesalonaika 2:13

Deka sipmi Ida Puda lana iye ke umu e aling aling imawai tenkyu ke Ida Tapolngon ke umu. Ke oglou Ida Tapolngon rere umu ma iye lua umu ke lumu elio epmes ina e umopolou ila osep ka itau lokono. E Ano Itau due umu umopolou Ida Tapolngon ila osep e aitno lumu la dagar ke pelengon lokono vala.

Jems 5:12

Sipmi lou pelengon ane omba. Alo ka umawaiki osep tile umawai lokono deka umawai lumu pelengon lokono batne ke omur heven kovok. Koke umawai lumu pelengon lokono batne ke taklak ane koke batne ke wan silang blang kovok. Alo ka umawaiki umawai “ee” deka umawai “ee” vala. E alo ka umawaiki umawai “aurou” deka umawai “aurou” vala. Umodue langane e ma Ida Tapolngon mulu umu ine kovok.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.