2 Timoti 4:8 - Aria New Testament

⁸ Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

2 Timoti 4:8 ပူးပေါင်းရင်းမြစ်များ

Matyu 24:36

“E gute gesa ile ke oklou koke aua alo ka Gute Ka Polou Langka Osep ma iding me kovok. Aurou. Ensel ka tidong ke omur heven e Ida Tapolngon Otno Arang tile ine kovok blang. Ida Tapolngon vala ile ine.

Matyu 7:22

Ke oklou ka Ida Tapolngon wade osep urok elio ine osep pula ma tisir ngong Urok Puda. E ma tiwai langane. ‘Imanapapra ke angain wom e imasapir angelo soulu ke osep ke angain wom e imodue elio arit ina pula ke angain wom.’

Luk 10:12

Ngawai ke umu langane. Alo ka Ida Tapolngon wade osep urok elio armok tonari ina ulesngen ma mole armok Sodom ina ulesngen.”

Pas ka Pol sogoe uti la ke osep Rom ina 2:5

E umabauluk aitno lumu ke lumu elio epmes ina bitna bitna kovok. Aurou. Aitno lumu dagar ine vala. Deka Ida Tapolngon aitno ila engil ma due umu batne lumu elio epmes ina polou pula. E mase oklou kene ma Ida Tapolngon wade osep ka pula keniye urok elio kap ila elio itau. Deka ari ma lumu elio epmes ina bitna bitna tingen umu e ma osep tivati.

Pas ka Pol sogoe uti la ke osep Rom ina 8:23

E ite ka titno lokono aitno lite kro ine blang. Aitno lite kro ine kesua itapara ke alo ka itodong kap Ida Tapolngon. Iye kar Ano Itau ke ite kodong e itapara ke alo ka iye due pampamu lite tipolou itau lokono.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

1 Korin 3:13

Mase bokongon ka osep ka pula keniye tidue ma tipolou malak ke oklou ka Ida Tapolngon ma wade osep ka pula keniye ine. Oklou tonari ma polou langka eiou e Ida Tapolngon ma tok osep ka pula keniye kensak kensak urok bokongon ine ma tile urok bokongon itau koke soulu.

1 Korin 9:25

E osep pula ka tiwaiki timole kolengen bitna bitna ma tiplau pampamu lisak itau ma tipolou dagar. E prais ka tiwaiki tidue mase ma polou okus. E prais ka langka itodue ma polou okus kovok.

2 Korin 5:2

E eknikane itodong ke ninu ane ka pampamu lite e itangangir e itapara ma itesep ke ninu oku ina ka omur heven ina.

Filipai 3:11

Aitno lungong langane kesua aitno lungong dagar langka alo ka ngamete Krais ma due ngong ngapoga ngatito ke ngau denga blang.

Kolosi 1:5

Oglou alo ka pelengon lokono ka omon itau polou ke umu deka umoklingen ke wan ka itau lokono ka Ida Tapolngon rere ka dong para ke umu ke omur heven.

1 Tesalonaika 1:10

E tipalongo urok ke elio ka umapara ke alo ka Ida Tapolngon Otno Arang Yesus ma iding me ke omur heven. Otno Arang tonari mete deka Ida Tapolngon didi ila arit e due poga tito e dong blang e iye mole udo elio epmes ina e lua ite ma itanamani Ida Tapolngon aitno ila engil ka mase ma me kovok.

1 Tesalonaika 5:4

E sipmi umodong ke aivoro kovok ma umedigrik alo ka oklou tonari polou langka gute digrik langka iye vati gute panakongon ina me kovok.

2 Tesalonaika 2:8

Alo ka wan ka dangdange la deka gute ka Ida Tapolngon ina oul kene ina ma polou malak. E Ida Puda ma bauluk me ke ila bublongon omba e ma iye mluk gute tonari ma iye mete.

1 Timoti 6:19

Langka tidue langane mase Ida Tapolngon ma kar isak wan ka lua isak e ma tidue urok mosongon ka mosongon itau lokono.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 1:18

Ngawaiki ma Ida Puda makai iye ke oklou ka Ida Puda wade osep ka pula keniye ine. E emile omur oglou alo ka ngadong ke armok Efesus iye lua ngong itau lokono.

2 Timoti 2:5

E silang blang osep ka tisuong ke resis tididi elio ka resis tonari ina. Langka tidar elio tonari tikaranga tidue prais ka gute ka mole resis due kovok.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 12:11

Alo ka Ida Tapolngon mosi ite aitno lite neser ine kovok e aitno lite kro ine. E mase iteile omur udo elio polou itau batne ke elio ka Ida Tapolngon mosi ite. Deka aitno lite epen ine vala.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.

Pelengon kukwopngon 19:11

Ngaklingen pelengon tonari deka ngavati omur heven noklok e ngavati hos kene ka okou. E gute ka dong ine angaine Gute Ka Wai E Didi Ila Pelengon e angaine silang Gute Ka Wai Pelengon Ka Lokono Vala. Alo ka iye wade osep koke iye due evlei iye didi ila elio ka itau e osuk e wade osep koke due evlei ine.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 22:20

Gute ka palongo ke elio bitna bitna ka polou wai langane. “Ngawai lokono langane. Isuk boto ma ngame.” E ngong Jon ngawai langane. “Lokono. Ida Puda Yesus omo.”

Pelengon kukwopngon 4:10

E alo ka tidue langare osep namormor isorwo apanal tigrum kamsak mgo ke gute tonari ka dong ke ila kova. E tilotuim iye ka dong vala dong. E tidue inarak hat gol e titapre isak la duru olwo boto ke kova bitna. E tidue sakul langane.

Pelengon kukwopngon 4:4

E kova isorwo apanal ka osep namormor isorwo apanal tidong ine lelei kova tonari. Osep namormor tonari titnei klos ka okou e alang. E tisin hat gol langka osep ka tivri mgo ke omur omur tisine.