2 Timoti 4:7 - Aria New Testament

⁷ Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

2 Timoti 4:7 ပူးပေါင်းရင်းမြစ်များ

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Jon 17:6

“Nganis wom ke osep ka amkar isak ke ngong ke taklak ane e tile malak ke wom. Isak lem osep e amkar isak ke ngong kodong e tini lem pelengon.

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Aposel 13:25

Jon napapra ke isak alo ka isuk boto iye due ila bokongon yagos e wai ke isak langane. ‘Aitno lumu lange ke ngong? Umoklingen. Ngong gute ka umapara ke iye kovok. Iye gute gesa ka me batne ke ngong. Ma iye me deka ngakaranga ngakles ila su kovok kesua ngong gute itau lokono kovok.’”

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Filipai 1:30

Oglou umavati elio ka polou ka opru ngong e eknikane umoklingen ine blang. Elio ka polou ka opru umu isak eriar langka elio ka polou ka opru ngong blang.

1 Timoti 1:18

Erigu Timoti aitno lungong mter ke pelengon ka oglou osep napaprangan ina tiwai ke wom ke elio ka ma omdue. E ngawai ke wom ke pelengon ma emdidie. Deka langka emdidi osep napaprangan ina urok pelengon omdong dagar e ma ommole elio soulu.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

1 Timoti 6:20

Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.

2 Timoti 1:14

Ida Tapolngon rere wom ma amnapapra ila omon itau ke osep deka wom amplau omon tonari itau. Ano Itau ka dong ke aitno lite ma lua wom ine blang.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.

Pelengon kukwopngon 3:8

Ngaile elio bitna bitna ka umodue kodong. Ngaile lumu arit sasi boto e umedidi lou pelengon e umopul dogur ke ngong kovok. Deka umoklingen. Ke omtomu ngaklok ekreng bitna e gute gesa karanga divae kovok.

Pelengon kukwopngon 6:11

Deka osep ke omur heven tikar molo alang ka okou ke osep tonari isak kensak kensak. E tiwai ke isak langane. “Umu ma umomtong boto gesa da. La lama osep timluk osep leklou ka tiboko eriar langka oglou umoboko ine blang. Kesua Ida Tapolngon iye rere osep sesue ka ma osep timluk isak ma timete.”