2 Timoti 4:5 - Aria New Testament

⁵ E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

2 Timoti 4:5 ပူးပေါင်းရင်းမြစ်များ

Matyu 25:16

E suong gute ka due 5,000 kina la due burong ine e iye due 5,000 kina silang.

Mak 13:34

Elio ka mase ma polou iye langka gute ka due ila langan ke omur ka mawa ka iye waiki dong dau tauni ine. Alo ka iye waiki songon ila ninu la iye wai ke ila wokboi nating ke bokongon bitna bitna ka iye waiki tidue. E iye kar pelengon ke gute ka plau ila ninu ina ekreng bitna ma iye plaue itau.

Mak 13:37

E pelengon ane ka ngakare ke umu ngakare ke osep ka pula keniye. Umodong umaplau umu itau.”

Luk 12:37

Langka alo ka gute tonari iding iye vati ila osep bokongon ina tidong tipara ke iye ma aitno lisak itau itau. Ngawai lokono langane. Ma iye tnei ila bokongon ina klos deka due isak tidong ke bota e ma iye kar ngangon ke isak.

Aposel 21:8

Oklou silang imosongon isak e imala imopolou ke Sisaria deka imala imopolou ke gute Filip ila ninu e imodong kap iye oklou leklou. Iye gute ka napapra omon itau ke osep. Oglou ke Jerusalem osep tirere iye gosok osep lumakene leklou ma tiplau ngangon ina tongongon.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

Kolosi 4:17

E umawai ke gute Arkipus langane. “Wom ma ambabrum bokongon ka Ida Puda kare ke wom.”

1 Tesalonaika 5:6

E ngawaiki itodong langka osep epmes ina kovok. Tidong langka osep ka timunu kudung. Ngawaiki itodong langka amtada pal e itaplau ite itau.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

1 Timoti 4:15

Aling aling ma omboko engil ke lem bokongon tonari. Langka omboko engil ke lem bokongon ma ompolou itau e osep ka pula keniye tikaranga tivati lem elio polou itau lokono.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

2 Timoti 2:3

Emvri dagar langka gute ola ina ke Krais Yesus ila bokongon. Kesua elio ma polou ka opru wom eriar langka polou ka opru imi.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

1 Pita 1:13

Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.

Pelengon kukwopngon 3:2

Deka umetipa e umomunu kudung sakam. Kesua lumu arit sasi boto dau dong e isuk boto yagos. Deka umu arit umu ke aitno lumu ila dagar. Kesua ngaile lumu elio bitna bitna polou itau lokono ke Ngau Tapolngon bitna kovok.