2 Timoti 4:16 - Aria New Testament

¹⁶ Mgongon alo ka ngavri ke kot osep ka pula keniye tisongon ngong e gute gesa vri kap ngong e lua ngong ke lou pelengon kovok. E ngawaiki Ida Puda koli batne ke osep tonari urok elio kovok.

2 Timoti 4:16 ပူးပေါင်းရင်းမြစ်များ

Mak 14:50

Yesus wai langane deka ila disaipel keniye tisongon iye e tiulou kla.

Luk 12:11

“E alo ka osep tipaur umu ke duningen ina ninu e umodong ke osep plaungan ina e osep gavman ina amtarsak aitno lumu kro ke pelengon ka ma umawai ke isak koke wan ka umodue kovok.

Jon 16:32

Umo-klingen. Taim ka umadardar e umala ke umu kenmu kenmu lumu ninu ma me e lokono polou kodong. Ma umosongon ngong e dau ngadong kenngong vala kovok. Aurou. Livou dong kap ngong.

Aposel 22:1

“Ngau saiver e silivou umo-klingen lou pelengon ane. Ngawaiki ngapalongo lumu ke lou elio ma umeile omur elio soulu dong ke ngong kovok.”

Aposel 25:16

Deka ngapalongo urok e ngawai langane. ‘Aurou. Imi osep Rom ina limem elio langane. Langka osep tisin elio vri ke gute gesa io gute tonari ma wai ila pelengon ke osep tonari amtarsak mgo. E imeklingen ke iye ma imeile omur ine.’

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

1 Korin 13:5

Ma iye due elio soulu ke osep kovok. Ma iye omsu kovok. Aurou. Iye due tovro ke osep. Ma aitno nevlik paide kovok. Ma aitno la ke elio soulu ka osep tidue ke iye kovok.

1 Korin 9:3

Osep leklou tiwade lou elio e ngakoli urok pelengon langane.

2 Korin 7:11

Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

Filipai 1:17

E osep leklou tonari tinapapra Krais ila omon itau kesua batne tiwaiki tikakai isak tona angainsak e aitno lisak mter itau kovok. E tiwaiki tidue wan ka opru ngong alo ka ngadong ke kalabus.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

2 Timoti 1:15

Emile omur osep ka pula keniye ka tidong ke provins Esia tisongon ngong kodong. E gute Figelus e gute Hermogenes tisongon ngong blang.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.

2 Timoti 4:15

Wom blang amplau wom itau ke gute tonari. Kesua iye arit iye ma iye wai soulu ke omon itau ka itanapapra ine.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.