2 Timoti 4:1 - Aria New Testament

¹ Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

2 Timoti 4:1 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Luk 19:12

Iye wai langane. “Gute gesa ka angaine omba la ke kantri mawa ma osep are tirere iye gute ka vri mgo ke urok kantri deka mase ma iye iding ke ila omur.

Luk 19:15

E alo ka osep ke kantri silang tirere iye vri mgo ke urok kantri deka iye iding ke ila omur. Iye iding kodong deka gi ma ila wokboi nating songotno ka iye kar mani ke isak time ma iye ile tidue klousege sesue ke ila mani.

Luk 23:42

Deka iye wai ke Yesus langane. “Yesus emtem sisir ngong alo ka emiding e emvri mgo ke omur ka pula keniye.”

Aposel 10:42

Deka iye kar pelengon ke imi ka iye waiki imanapapra ina basikngen ke osep ka pula keniye. Iye waiki imanapapra ke osep iye tona gute ka Ida Tapolngon rere ma iye wade osep ka tidong e osep ka timete kodong urok elio.

Aposel 17:31

Kesua oglou kodong Ida Tapolngon rere oklou kene ma gute ka iye rere kodong ma iye didi ila elio itau e wade osep ka pula keniye ine. Pelengon ane lokono lokono kesua gute tonari mete kodong deka Ida Tapolngon due poga tito ke ina denga.”

Pas ka Pol sogoe uti la ke osep Rom ina 2:16

Ma aitno lisak langane ke oklou ka Ida Tapolngon klingen osep ka pula keniye urok pelengon. Iye rere oklou kene ma iye klingen osep ka pula keniye urok pelengon ine. Deka ke oklou tonari ma Yesus Krais wade osep ka pula keniye aitno lisak lama oglou tibisi ine. Mase ma elio ane polou eriar langka Ida Tapolngon ila omon itau ka nganapapra ine wai ine.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

2 Tesalonaika 2:8

Alo ka wan ka dangdange la deka gute ka Ida Tapolngon ina oul kene ina ma polou malak. E Ida Puda ma bauluk me ke ila bublongon omba e ma iye mluk gute tonari ma iye mete.

1 Timoti 5:21

Deka Timoti. Ke Ida Tapolngon bitna e ke Krais Yesus bitna e ke Ida Tapolngon ila ensel amtarsak ngawai dagar ke wom langane. Ma omboko dagar ke wan ka ngawai ke wom ine. Ke wan ka pula keniye ka omdue ma omdue elio eriar ke osep ka pula keniye.

2 Timoti 1:10

Eknikane ila makaingan polou malak lokono batne Ida Luangan Krais Yesus me polou ke ite kodong. E osep ka tiklingen Ida Tapolngon ila omon itau e aitno lisak dagar ine ma metengen mole isak kovok e ma tidue mosongon ka dong vala dong.

2 Timoti 2:14

Aling aling omsruk osep ma aitno lisak mter ke lou pelengon ane e amwai dagar ine ke Ida Tapolngon bitna. Amwai ke isak ma orsak mluk pulu ke pelengon adai sakam. Kesua elio tonari karanga lua osep kovok e due pogle ke aitno lisak ila dagar.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 4:5

Mase ma Ida Tapolngon wade osep tonari ke elio soulu ka tidue. Ma iye wade osep ka timete kodong e osep ka dau tidong.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

2 Pita 1:17

E imodong kap iye e imeklingen Ida Tapolngon ka Pmada ila pelengon alo ka iye kakai Yesus angaine tito la egim. Alo ari imeklingen Ida Tapolngon ka dong egim lokono wai langane. “Gute ane Erigu Arang ka ngong lana ngong omba ke iye e aitno lungong itau lokono ke iye.”

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

Pelengon kukwopngon 1:7

E umoklingen. Yesus dong airavu ke gaup e iye me e osep ka pula keniye ma tivati iye. E osep ka timter iye isak blang ma tivati iye. Deka osep ka pula keniye ka tidong ke taklak ma tikngis omba ine. Elio ane ma polou suong. Lokono.