2 Timoti 3:5 - Aria New Testament

⁵ Ma tiwai aitno lisak dagar ke Ida Tapolngon e tiyakyak vala. E urok mosongon ma nis ite Ida Tapolngon ila arit dong ke isak kovok. E Timoti ngawaiki omdong mawa ke osep ka tidue elio langare.

2 Timoti 3:5 ပူးပေါင်းရင်းမြစ်များ

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

2 Tesalonaika 3:14

Langka gute gesa pul dogur ke pelengon ka imosogo ke pas ane deka umavati iye e umeile itau ke iye e umodong mawa ke iye. Umodue langane ma iye mnak iye ke ila elio ka iye due.

2 Tesalonaika 3:6

Sipmi. Imedidi Ida Puda Yesus Krais aitno e imawai dagar ke umu langane. Langka sudo gesa tiwaiki tiboko kovok e tidong adai vala e tididi pelengon ka imakare ke isak kovok deka umodong kap isak kovok.

1 Timoti 4:7

Deka ma ompul dogur ke basikngen adai bitna bitna ka osep leklou tibasik ine ka didi Ida Tapolngon ila pelengon kovok. Ma amnana dagar ma emdidi Ida Tapolngon ila elio vala.

1 Timoti 4:8

Emile langka itawaiki itodue pampamu lite ila arit polou dagar deka itanana aling aling. Elio langane ma lua ite sasi boto. E langka itanana ke Ida Tapolngon ila elio ane ma polou udo arit ka lua ite itau lokono. Ane ma lua ite ke udo mosongon ka oku ane ina e ke udo mosongon ka mase ma polou.

1 Timoti 5:8

Langka gute gesa plau tna e timla e ila osua blang kovok ane langka iye songon aitno ila dagar kodong. E osep ka tile ke Ida Tapolngon kovok urok elio mole ila elio. Kesua tidue elio langane kovok.

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

2 Timoti 2:16

E ompul dogur ke pelengon ulik ulik ka didi Ida Tapolngon aitno kovok. Kesua pelengon tonari nak osep aitno lisak ma tipul dogur ke Ida Tapolngon.

2 Timoti 2:23

Langka osep orsak mluk pulu ke pelengon ka adai vala deka omdong mawa ke isak. Kesua emile pelengon ka langane due osep aitno lisak nevlik deka tiwai engil pulu.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Taitus 3:10

Langka gute gesa wai pele-ngon ka due Ida Tapolngon ila osep tidardar deka amwai pelengon dagar ke iye ma ommosi aitno. Ma iye wai langane blang kovok. Langka omdue langane aling orwo ina e iye dau klingen pelengon kovok deka umopul dogur ine e umodong kap iye kovok.