2 Timoti 3:3 - Aria New Testament

³ Ma isak lana isak ke osep leklou kovok e ma amtarsak sisir e aitno lisak kis dagar ke wan soulu ka osep tidue ke isak. Ma tiwai pelengon e tiblou osep dogursak ine e ma tiplau isak itau kovok. Ma aitno lisak nevlik amnga ke osep e ma aitno lisak engil ke elio itau.

2 Timoti 3:3 ပူးပေါင်းရင်းမြစ်များ

Matyu 10:21

“Osep ma tikar inarak saiver e inarak titovro ke osep leklou ma timluk isak timete. Osep sipmarak e titnarak ma tikar titorok ma timete e agau ma tikar sipmarak e titnarak ke osep ma timluk isak timete.

Matyu 4:1

E Ano Itau mgo ke Yesus ke omur ka dong adai vala ma Satan tok iye.

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Pas ka Pol sogoe uti la ke osep Rom ina 1:29

Osep ari tidue elio bitna bitna ka itau kovok. Aurou. Tidue elio bitna bitna ka elio epmes ina vala. Tingale osep urok wan e tidue elio soulu bitna bitna pulu. Aitno lisak rim ke osep urok wan e tidue burwa ke osep. Isak amnga isak pulu e tiyak osep ma tipi urok wan. E tipaiavu osep e tidue adis.

Pas ka Pol sogoe uti la ke osep Rom ina 1:31

Aitno lisak manga manga ke elio itau. Tiwai dagar e tididi urok pelengon tonari kovok. Isak lana isak ke osep kovok e aitno lisak due gute silang kovok.

1 Korin 7:5

Langka umorwo umegi deka amkaranga ompul dogur ke eswom e amdangdang pampamu lugom ke iye kovok. E langka umorwo aitno lumu kene e umadangdang pampamu lumu isuk boto ma umakaranga umawai itau ke Pmada ke elio gesa elio langane itau. E mase umorwo blang umodue pampamu lumu tineklep pulu blang. Lama umakaranga umaplau pampamu lumu itau kovok e Satan tok umu.

1 Korin 7:9

E langka tikaranga tiplau pampamu lisak itau kovok deka ma tigi. Lama elio isungon polou langka eiou ke pampamu lisak.

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Timoti 3:11

Gute tonari esna blang ma aitno mter ke elio itau ma iye due. E iye due adis e kopuk gute silang dogurne kovok. Iye inim aki dagar ma bitna balilu kovok e boko itau ke wan keniye ka iye due.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Taitus 2:3

E amparere apmang ka namormor blang ma tidue elio ka Ida Tapolngon aitno itau ine vala. Ma tidue adis ke osep leklou kovok. Aling aling tinim aki dagar ma amtarsak balilu kovok. E tiparere apmang pasinga oku ina ke elio itau vala.

Jems 2:6

E umodue markan ke osep ka urok wan isuk boto vala e umodue anit ke osep ka urok mani pula. E osep ka urok mani pula tidue elio ka opru umu e tipaur umu ke kot bitna.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

2 Pita 2:19

Osep parerengen yakngan ina tiwai ke osep tonari ma tidong fri e dau isak tona tidong langka wokboi nating ke urok elio soulu ka plau isak. Kesua wan ka mole gute gesa karanga plau iye blang.

2 Pita 3:3

Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”

Pelengon kukwopngon 13:15

Deka tidue sapingen tonari e Ida Tapolngon songon ongwa kevena orwo ina ma iye ipu ene omung ine sep ke sapingen tonari. Ma sapingen tonari karanga wai e iye due osep timluk osep ka tilotuim iye kovok ma timete.

Pelengon kukwopngon 13:17

Deka langka gute gesa due nisngen tonari kovok iye karanga kli wan gesa kovok koke due burong ke wan gesa kovok. Nisngen tonari ongwa kevena kene ina angaine koke sasa ka lana ine la ke angaine.

Pelengon kukwopngon 16:6

Osep timluk osep napaprangan ina e lem osep leklou blang ma timete. Deka amkar marau ke osep tonari ma tinime e marau tonari koli batne ke urok elio soulu ka tidue.”

Pelengon kukwopngon 17:6

Deka ngavati apmang tonari inim Ida Tapolngon ila osep inarak marau. Timluk osep tonari ma timete kesua aitno lisak dagar ke Yesus e tididi iye. Ngavati apmang tonari inim osep inarak marau deka langka bitna balilu ine deka ngadigrik e aitno lungong mter pula ine.